糖兄娶老婆繆家明
糖妹孤伶伶

■糖兄同老婆阿Miu禮成之後，即嚟個咀嘴賀賀先。

現年34歲嘅糖兄（潘雲峰）噚日同拍拖8年嘅女友阿Miu（繆家明），喺尖沙嘴舉行結婚酒會，拍檔糖妹（黃山怡）做司儀，好友蔡恩真、陳柏宇及蔡穎恩等到賀，阿Miu谷出3吋事業線。糖兄喺現場同老婆恩愛咀嘴外，又同隊band唱咗首由佢作嘅歌《我要結婚》送畀老婆，冧到爆。糖兄接受訪問，話噚日主要招待圈中好友同傳媒，過幾日再註冊兼擺酒，到時想低調只同家人一齊。
糖兄話前晚都緊張，好彩一覺瞓天光，佢話婚後好多工作，所以遲啲先生BB。有乜愛的宣言？糖兄話：「我係一個好丈夫，真心一句就夠。」老婆阿Miu即話：「希望繼續keep落去。」Miu又大讚老公好叻，有99分，之前聽到老公作首歌已感動到喊。

糖嫂：好自為之

不過糖兄台上自爆噚晚老婆贈咗四個字畀佢，好自為之。糖妹話會送大利是畀糖兄，新居入伙再送大量電器。男友Dominic點解冇嚟？糖妹有啲尷尬同隱晦，糖兄即代答佢好忙。幾時到糖妹結婚？佢話來日方長。另外蔡恩真被問到隊友田代麻衣被影到同男督察喺夜店消遣，但田代稱對方係男友，又話因男友工作敏感被拍搞到要休假，蔡恩真話：「我只知佢哋好愛對方，其他事就唔清楚。」
撰文：馮仁昭

■噚日糖兄同圈外女友阿Miu結婚，喺尖沙嘴行禮。

■身為好拍檔嘅糖妹除咗做司儀外，仲向糖兄送大利是。

糖兄做老襯99分

組合糖兄妹的糖兄（潘雲峰）昨日與女友繆家明（Mui）舉行結婚酒會，成功娶得美人歸的糖兄即場獻唱新歌《我要結婚》送給老婆，還承諾做個好老公，榮升「糖嫂」的Mui給糖兄99分，更打趣叫對方「好自為之」。

糖兄娶老婆，糖妹（右）到賀兼擔任司儀。

糖兄將於後日（6日）與拍拖八年的女友繆家明拉埋天窗，一對新人昨先在戶外舉行結婚酒會，吸引陳柏宇、蔡穎恩、雨僑、麥貝夷、洪杰、王若琪、朱紫嬈等圈中人到賀，身為「妹妹」的糖妹擔任大會司儀。糖兄以一曲《我要結婚》揭開序幕，隨即拖住穿上低胸連身長裙的性感糖嫂出場，糖兄應記者要求錫了準太太粉臉，當記者要求他與太太咀嘴時，糖兄借派利是避開，最後都大方與太太咀足半分鐘，糖兄在台上踢爆太太說：「我尋晚問佢有咩同我講，佢叫我好自為之。」引得全場捧腹大笑。

糖妹未有嫁期

問到糖兄愛的宣言？他說：「我係好丈夫。」再問糖嫂是否收貨？她點頭說：「希望可以keep落去。（畀幾多分糖兄？）99分。」糖兄插嘴說：「最後一分最難攞。」隨即透露過幾日才會與「太太」註冊及擺婚宴，他說：「今日係招呼傳媒、圈中好友同好朋友，過幾日先會註冊同兩邊屋企人食飯。」問到糖妹為何不見男友Dominic？她說：「大家朋友嚟咗就得。（幾時輪到你結婚？）我仲細，來日方長。」

放大圖片

陳柏宇與蔡穎恩亦來祝賀一對新人。

糖兄高唱《我要結婚》冧老婆。

採訪：音樂組

糖兄99分好老公糖妹呻婚期遠

組合糖兄妹成員糖兄（潘雲峰）與未婚妻繆家明昨日舉行婚禮酒會，糖妹（黃山怡）擔任MC。一對新人應記者要求兩度咀嘴，老婆大讚糖兄為她而作的新歌，更畀99分！而糖兄則大爆前晚獲老婆送贈「好自為之」四字真言。問到糖妹男友Dominic為何沒有出席？糖兄說：「有請佢，佢太忙嚟唔到。」問糖妹何時結緍？她說：「來日方長啦！」

同場的韓國模特兒蔡恩真被問到有否留意好友田代麻衣及久保杏奈招呼高級警官的報道？她說：「唔知內情，只係知田代拍緊拖，而且好恩愛。」