close


趙文卓話當日知道唔係同成龍合作於是拒接《特》片，後來片商加片酬留人，見對方咁有誠意，於是提出唔使加人工，但要住好啲嘅要求，點知後來就俾人話佢指定要住總統套房。（《蘋果日報》圖片）

電影《特殊身份》風波沒完沒了，趙文卓繼續以受害人身份招遙過市，宇宙最好打嘅甄子丹佛都有火，唔排除對佢嘅言論作出追究。


唔怕法庭見，趙文卓繼續做嘢，同台灣記者講，懷疑遭人暗算，搞到佢每次講關於俾《特》片台前幕後逼害嘅報導，有九成內容被刪除，兜個大圈話甄子丹係幕後黑手。其實趙文卓自己知自己事，八珍聽二五講，佢經理人張家振決定投降，怕咗趙文卓同佢正式解約。至於今次風波，張家振日前接受內地傳媒訪問，提到舒淇因為撐甄子丹俾人「河蟹」要刪除微博，感覺遺憾痛心，但就冇公開提解約事件，怪不得趙文卓繼續同人講公司啱啱幫佢傾咗兩部劇，移形換影，夾生將解約事實吞咗！ ####


舒淇公開撐甄子丹，搞到N世前嘅四級裸照傳遍整個微博，有指事件幕後黑手係趙太張丹露，更認為老公去過荷李活，住總統套房合情合理。


刪除微博後，舒淇一直冇現身公開活動，上個禮拜一（三月二十六日），佢現身電影《together在一起》現場探班，仲有講有笑，心情無恙。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄