close

社交圈

多手

男人手多多十有九是鹹豬手，女人多手是貪靚居多，廿幾歲到四十幾歲中女，都愛撥弄秀髮增加女人味，雙手抱腰擺明谷深事業線，男人，都係眼看手勿動喇。

莊思明拉裙托胸

上週三，莊思明有份投資的時裝店舉行花生騷，身為老闆的她做埋模特兒行騷，衰在裙重胸細令 tube dress不斷滑落，唯有喺大庭廣眾不時抽裙免走光，結果俾人取笑話：「好心你挺大啲啦。」企埋同莊思敏（右）合照時，她就學家姐繑手托胸夾實 tube dress，不過講明唔會學佢隆胸，「打針我都驚。」

林煒珽含羞撥髮

近日成為 ball場新貴的鱷魚恤主席林建名女兒林煒珽，上週二晚既被邀請去睇 Juicy Couture春夏時裝，又被請去 Sergio Rossi的酒會。為了靚靚，太子女不自覺地對住鏡頭柔情撥髮，問點解唔見佢男友？「佢去咗做 gym。」今年八月弟弟林孝信大學畢業，林煒珽話：「我哋全家會飛過去。」

雷林靜怡無時間

法國美髮品牌 La Biosthetique上週二在四季酒店搞活動，九巴新抱雷林靜怡戴住老公雷兆光送的心口針出席，問她對頭髮護理講唔講究？佢下意識撥弄自己的頭髮話：「你睇我（染髮後）出番啲黑頭髮都未搞，做師奶係不修邊幅。」原來兒子 Jeremy十二歲青春期，她忙睇心理書睇吓點教仔，「佢唔多駁嘴，但開始有自己思想，都唔會太嚴對佢，叫老公同個仔傾多啲偈。」

何超鳳貪靚𢱑頭


亂咗添！（設計對白） 

曾被何超瓊指愛扮靚愛購物的何超鳳，久不久便會出現大牌子的花生騷。上週二她下班後匆匆趕到中環的 Sergio Rossi活動，仲趁未有人時偷偷整理頭頂亂髮，明顯比家姐超瓊更顧儀容。


撰文、攝影：名人組

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄