close
有戲睇
雙影帝鬥搏郭富城跳橋中招
撻生魚城城由高處跳落枱,再撻落地,左手按着餐枱時被刀叉插傷。
哎吔!插死我喇!(設計對白)
唔領情
紅館開演唱會,同場加映苟熊大戰,夾心人郭富城繼續當唔關事,唱完紅館,隨即投入為月中上映,由彭順執導新片《同謀》做宣傳。
拍到第三次,導演安插七料影帝張家輝同城城過招,影片先後到過馬來西亞及廣州取景,並有大量危險動作;為免演員受傷,替身長駐候教,但城城次次都唔領情,要親身上陣,完全唔錫身。
護腳雙手冇得保護,雙腳有褲遮可用護墊。
護腳雙手冇得保護,雙腳有褲遮可用護墊。
多重保護
其中一場講城城逃避追殺,由高架鐵路天橋跳下,踩露天茶座枱櫈着地,動作絕對有難度,為免意外,導演再三勸城城用替身,但他堅持自己先試,由幾米高跳下,城城冇甩轆,點知正式拍攝時就出現偏差,落地時他的左手更被枱上的刀叉㓤傷流血,但敷藥後,堅持繼續自己嚟。
至於張家輝,亦認同今次有不少動作設計十分危險,但導演在安全措施方面,已做到好足!
有場戲張家輝被麻繩綁實再吊高毒打,工作人員先為他戴上腰封保護,再在腰間綁上受力的威吔,以卸去麻繩紮身的力度,家輝說這場戲看似辛苦,但實則不然。
做足準備張家輝個肚位其實綁晒威吔,後面條麻繩同威吔一齊吊。「如果只用麻繩吊,我個身會好痛。」
被離地吊高十幾呎,每拍完一 take,工作人員都要放張家輝落地休息一陣。
結成好友不用埋位時,城城同張家輝由劇本動作講到天南地北,首次合作已成為好友。
撰文、攝影:娛樂組
全站熱搜
留言列表