close


咁啱啫！（設計對白） CY上場，樓市前景唔明朗，手揸過億物業的Sammi冇有怕，照樣入市，完全無懼做樓蟹。

勇字當頭

三•二五特首選舉，梁振英在「西環」內外發功下當選。七月特區政府換班，大部分投資老手，擔心樓市狂插，抱觀望態度；唯獨富婆鄭秀文卻好少理，三月中以公司名義，一筆過斥資$2,785萬，買入南灣道豪宅華景園1,820呎單位。財力雄厚，吸金能力又keep住有升冇跌，唔急做許太，事出有因。

冇恐懼症
過去兩年，內地富貴搬錢來港換磚頭，大嚿大嚿現金交易，唔使按揭，令樓價貴過九七。今年政府換班，地頭蟲穩守睇定啲；同樣喜歡將現鈔換大屋的Sammi偏偏唱反調。地產界消息，指鄭秀文較早前頻頻四出睇樓，目標地點集中在中半山同南灣一帶。「呢排幾間分行嘅同事都話見到Sammi睇樓，次數（睇樓）都幾頻密，主要集中睇二千呎以下嘅單位。」一名地產代理說。原本與家人同住大寶閣的鄭秀文，○九年搬到中半山蔚皇居自置單位自住，由於上址單位唔夠千呎，Sammi開始嫌地方唔夠用，決定搵過新的安樂窩。「當初Sammi買蔚皇居唔敢買得太大，怕一個人住唔慣，但住落咗，就發現地方唔多夠使。」Sammi身邊人說。唔怕跌市恐慌的Sammi，終於在本月中落槌，以公司「JumboHead Limited」名義，一筆過二千七百八十五萬，買入南灣道華景園一千八百二十呎高層單位。「Sammi覺得供樓要俾銀行賺幾百萬息，好唔抵，所以自從九九年上會供老家大寶閣後，就冇再問銀行借錢買樓，寧願儲到一嚿錢，先入市。」

放假搬屋
雖然有重磅嫁妝，但鄭秀文並不急於做許太，繼續享受外遊拍拖單身女王生活。入市只花去富婆冰山一角，keep住密做的Sammi，單是去年，已進賬超過七千萬。據了解，五月拍完杜琪峯新片《盲探》，Sammi會開始放悠長假期，為搬新屋做準備，之後才會投入年尾演唱會的籌備工作。連同南灣新居，Sammi揸手物業接近二億。

旺財天后
天后級歌手包括陳慧琳、楊千，個個停工生仔，唯獨Sammi樂做單身女王，瞓身繼續搵。賺錢能力驚人嘅Sammi，去年一口氣接拍了六個廣告，袋近5,000萬，加埋超過10場巡迴演唱、電影及登台，保守估計，收入超過七千多萬。

廣告
~H2O+$800萬精工手錶$700萬 Cartier$1,000萬 Skechers運動鞋$700萬 Glycel護膚品$800萬 Aquascutum$800萬

電影
《高海拔之戀》II$600萬

演唱會
3月Love Mi More大馬巡迴演唱會　2場Ｘ$100萬$200萬 7月Love Mi More澳門巡迴演唱會　2場Ｘ$120萬$240萬 10月Love Mi More廣州巡迴演唱會　2場Ｘ$100萬$200萬 3月Love Mi More美國巡迴演唱會　2場Ｘ$100萬$200萬 3月Love Mi More加拿大巡迴演唱會　2場Ｘ$100萬$200萬 12月Love Mi More澳門巡迴演唱會　2場Ｘ$120萬$240萬

活動
本地活動　6個Ｘ$30萬$180萬外地活動　5個Ｘ$50萬$250萬內地登台　4個Ｘ$80萬$320萬澳門登台　1個Ｘ$100萬$100萬 合共：$7,530萬 ####


夠吉士！（設計對白）


華景園雖然已有二十六年樓齡，但Sammi買入的單位高層兼望海，私隱度極高。


本月中Sammi用公司名義一筆過以2,785萬買入南灣道一個1,820呎的單位作為自住之用。


Sammi同許志安復合後，不時外遊過二人世界，去年六月，兩人結伴遊東京斷正。（《忽然1周》圖片）


下個月Sammi埋位，繼續為杜琪峯的《盲探》開工。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄