close


我斯文人嚟㗎！
（設計對白）

港產片回春，繼《桃姐》同《大追捕》之後，《春嬌與志明》三月二十九日開畫連兩日優先場票房，截至星期日（四月一日），已經收九百一十萬，觀眾俾錢支持，《春嬌》導演彭浩翔响愚人節帶同余文樂、王馨平、陳逸寧等，到旺角戲院謝票。


有睇過《春嬌》嘅觀眾，對陳逸寧戲中背住楊幂話佢「死臭X」，應該有好深印象，本身係樹仁大學輔導及心理學系高才生，粗口唔講多句，導演為咗幫佢克服礙，要陳逸寧喺借嚟拍戲間茶餐廳，向在場每個人講一次。
謝票當日，彭導演叫陳逸寧現場講多次，同觀眾分享苦練成果，雖然有啲尷尬，但導演叫到，冇得say no。
除咗粗口對白夠「吉士」，片尾余文樂扮王馨平唱《別問我是誰》，八珍都笑到肚痛，王馨平仲話睇完套戲，唔敢正面望余文樂。可能之前俾陳逸寧粗口謝票洗腦，樂仔突然向王馨平爆粗：「你唔好玩X我啦！」
大肚千嬅一唔監場，滿場粗口任飛。

真假王馨平
成個MV抄到十足十，彭浩翔都算大整蠱，唯一慶幸嘅，係樂仔扮女人，易啃過《暗戰》劉德華！ ####


王馨平舉起隻手話以後唔敢正面望余文樂，樂仔搶咪還擊，爆粗叫王馨平唔好玩X佢，全場觀眾笑爆。


好在冇嚟，大肚婆唔嚇得㗎！（設計對白）


導演彭浩翔叫陳逸寧即場示範多次講粗口對白，搞到佢好尷尬。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄