close


官恩娜冇咗眼肚冇咗酒凹，薛凱琪就冇咗兩邊包包面，各有各做！ 

同你吟一吟

官恩娜眼肚失踪

入行十三年，終於甩到身離開舊公司，轉投華納唱片做一姐嘅官恩娜，許下宏願希望兩年內可以响紅館開到處女個人演唱會。識得自彈自唱，賣實力嘅官恩娜上個禮拜二晚（三月二十六日）盛裝出席品牌活動，八珍望咗好耐，硬係覺得佢有啲唔順眼，睇番舊相，原來對招牌眼肚消失咗，仲連一對招牌酒凹都冇埋，笑容，仲硬硬哋！

 

同場出現仲有前華納一姐薛凱琪。自從過檔 Paco旗下嘅太陽娛樂文化，工作量多咗，打扮性感咗，連以前嘅包包面都冇咗，塊面仲愈嚟愈尖。
變靚無止境，但點都唔好學莊思敏，佢早排自爆下巴打溶脂針，又激讚比打 Botox安全，起碼塊面唔會硬……但係打到大細面喎，又點計先！



官恩娜祝賀蔣怡有喜，但佢個笑容，好硬！ 

星期一（四月一日），大細面莊思敏同楊秀惠一齊出席 J2台宣傳活動，當年楊秀惠為咗瘦面搞到歪下巴，咁啱又咁橋，同莊思敏一樣都係歪向右邊喎！ 

莊思敏無論幾瘦，塊面都係瘦唔到，早排又打溶脂針瘦面，結果搞到大細面！ 

撰文：八珍

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄