close
大隻謙之前同楊怡被拍得深夜燒烤後，緋聞愈傳愈勁，兩個仲不置可否，好似有啲嘢咁。
上周佢哋出席劇集慰勞宴，全程離行離列，謙仔黐住老拍檔兼「舊情人」黃智雯密密斟，至於同真女友楊怡就保持距離，多多顧忌。但當楊怡做訪問時，佢又偷望攝影機入面嘅「女友」甜笑，嗒糖嗒到出晒面！講真真感情邊呃到人，戲中楊怡和馬明成一對，佢哋就大方搭晒膊頭任影，至於謙仔和楊怡就避避忌忌一直唔肯大方合照，要大家幾乎起哄才就範，兩個仲唔敢有眼神接觸。呢啲咪身有屎……現在《On Call》宣布開續集，睇嚟佢哋感情應可更進一步。
謙仔同楊怡呢對緋聞男女，三催四請才肯合照，表現得好生硬。
楊怡同馬國明接受訪問，謙仔同黃智雯就喺另一邊影相，保持距離。
當楊怡做訪問，唔敢直望嘅謙仔，偷偷從攝影機度睇實女友。
台前幕後大合照時，謙仔靠邊站，同企中間嘅楊怡隔成幾個人位。
全站熱搜
留言列表
