Brenda 醜女大翻身 @ 818 娛樂八掛大放送★

Brenda醜女大翻身

《春嬌與志明的故事》
Brenda配黃曉明 = 醜女配白馬王子，港女必勝！
電影《春嬌與志明》將之變成笑話，卻給予無數平庸中女重燃希望，既然Brenda都可以找到超級筍盤，即係希望在人間。就連現實中單身的Brenda也相信：只要never give up，總有一日你都可以搵到同你手指觸電嘅曉明。
銀幕下的Brenda並不醜，樣子是普通一點，只是角色把她塑造成醜女而已。Brenda是誰？她的真名林兆霞，英文名June，在《春嬌與志明》演春嬌（楊千嬅飾）的好友Brenda，角色太出位，大家都索性叫她Brenda算了。
撰文：魯萍

在電影《志明與春嬌》出現過的Brenda，為搵男友在facebook放靚相，結果真人與相不符，被志明（余文樂飾）譏笑「睇相就公主，睇樣就蕃薯」。今集再現身去徵婚，當觀眾以為出現豬八戒時，黃曉明就現身，俊男醜女一見鍾情，兩隻手指互相觸碰，愛火一發不可收拾，接着是……全場爆笑。

剩女有希望
這一幕是一個爆點，June的角色被醜化引人發笑，其實導演彭浩翔再找她拍《春嬌》時，June亦有掙扎：「我有照鏡，唔係靚女，但都唔算醜，正常普通女仔。朋友為我俾人笑感不值，但我唔係Brenda，我係阿June，所以冇唔開心，反而覺得好玩。導演同我講話畀個黃曉明我，我唔信，點會咁益我呀？拍嗰日真係見到黃曉明，真係好靚仔，我要演嘅情緒好易就去到。」角色被醜化取笑，但另一方面，朋友卻羨慕她得到曉明寵幸，紛紛要她介紹曉明，港版醜女大翻身。 Brenda配曉明引起的化學效果強勁，是引人發笑抑或為剩女帶來希望，June寧選擇後者：「我覺得部戲叫所有女人never give up，我都有個強烈訊息，I'm single and available，身邊朋友就有女普通男靚仔case。只要肯追尋，衰足咁多年，或者有日遇到好嘢呢！」 June有四次戀愛經歷，目前單身的她，不會像Brenda般走去徵婚，覺得就算不結婚也沒大不了。

客串演話劇
June本身是在專門製作舞台劇的「影話戲」做行政工作，自小醉心演戲，曾跟詹瑞文夫婦學戲，過去數年以自由身形式客串演出話劇。因朋友的關係而認識彭浩翔，繼而找她拍《志明與春嬌》，June坦言：「我純係鍾意做戲，你估我真係戲入面曉明眼中美若天仙嘅baby咩？」她指初時演得太舞台劇化，常要導演提醒，造就了今集的Brenda。前晚June亦有出席電影的慶功宴，談到周潤發也對Brenda一角留下深刻印象，她說：「多謝，好開心自己鍾意嘅演員都有留意。」若開拍第三集會否叫導演加場跟黃曉明的床戲？她謂：「冇諗過，下集都唔知仲有冇Brenda，唔知仲有冇咁厚待。」場地提供：Oyster Station

目前單身的June認為只要肯追尋，總會有希望。攝影：陳志嵐