close


嘻嘻嘻，同honey傾耐咗添！（設計對白）

電視大戰年底正式埋牙，無綫不敢怠慢，重頭劇迎戰，包括已經拍緊嘅《大太監》、《金枝慾孽》貳，上星期二（三月二十七日），《金枝》監製戚其義主持大局，喺TKO電視城舉行開鏡拜神儀式，鄧萃雯、蔡少芬、伍詠薇等一早到齊，點知大婆等仔、等男主角陳豪到。


影相傾偈打發時間，喺劇中同鄧萃雯做兩姊妹做到勾心鬥角嘅伍詠薇，問完如妃借鏡check妝，又走去同關禮傑玩咗一餐。遲大到半個鐘，陳豪自稱唔記得當日要返公司做拜神，又話會請飲咖啡請食飯謝罪。Mo仔人緣好，在場幾位阿姐都冇俾面色佢睇。陳茵媺喺橫店拍《大太監》有兩大茄男陪玩陪食服侍，閣下當然要花多啲時間，同豪嫂私訊煲粥，大家明嘅！ ####


明知自己衰咗，陳豪交足功課，表情多多，真鬼馬！


遲到半個鐘，陳豪第一時間合十向現場所有人道歉。


戲中要同伍姑娘鬥餐飽嘅鄧萃雯，發現對方個妝有啲花，大方借鏡。


《金枝》主力後宮內鬥，切豬由鄧萃雯、蔡少芬傍住監製企中間。


同如妃吹完水，伍詠薇見到關禮傑，又轉場。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄