close
就算俾吳尊（左）同仔仔周渝民夾住，林峯令面白西裝一出，殺呀！
同你吟一吟
林峯你想點？
古裝片時裝海報，反轉嚟做轉移視線嘅《忠烈楊家將》，上星期四（三月二十八日）舉行首映，電影公司打蛇隨棍上話籌備緊原班人馬開時裝版，奸角變主角嘅鄭伊健又話大家唔使再騎馬有靚車坐，講到真嘅一樣。
宣傳度盡橋，連 chok王元老鄭少秋都上埋前線，炮轟電影公司 cut晒佢啲戲，炒是非力谷。使乜咁辛苦，有林峯咪得囉！
圓方首映當晚，楊家軍黑白 dress code，峯少冇打茅波，一身令面西裝緄黑邊，完全配合兼且做到突晒！八珍唔識貨，峯少呢套立立令嘅白西裝，係度身訂造抑或某某名牌，總之唔嚇親都笑死。
八珍承認，如果唔係林峯咁突出，呢段料，今期唔會見到。黃百鳴，快啲加林峯片酬啦！
要喺一班後輩中搶鏡，六十六歲秋官決定用腳，小心呀，大叔！ 
峯少離場， fans護送，依依不捨，樣假衫醜又如何，最緊要有人歡喜！ 
撰文：八珍
全站熱搜
留言列表
