探熱針
傅穎 重新造人 撤退香港 Theresa大執
曾經是宅男女神的傅穎（ Theresa），兩年前公開數臭前度男友羅仲謙後，形象是非，工作量人氣齊插水。香港無發展空間，傅穎決定撤退，疊埋心水轉戰台灣及內地。
眨眼已經二十九歲， Theresa無法再靠戴大眼仔染金毛扮𡃁妹，唯有的起心肝「重新造人」，將原有的小眼睛剪闊變大，加高鼻樑，執到連 fans都認佢唔到。
留港嘥時間
上週三，傅穎拖住行李出發去北京，完全變了樣的她，對眼大咗唔少。
在港幾乎無得撈，傅穎把心一橫，索性轉 channel，到大陸、台灣搵機會，並在經理人公司星皓安排下，簽了一間內地公司。
「同大隻謙分手搞咗場大龍鳳出嚟，唔單只激嬲公司，佢自己都好傷。雖然 Theresa對當初自把自為嘅做法都有悔意，但形象差晒，喺香港根本冇人搵佢做 job，好在佢公司喺台灣同內地都有唔錯嘅脈絡，之前已經安排 Theresa拍過一套台灣劇。最近星皓仲幫佢簽咗一間內地公司，嚟緊會長期留喺台灣同國內發展， Theresa亦諗通咗，唔再喺香港嘥時間！」知情者說。
加工整眼鼻
瞓身內地， Theresa入鄉隨俗，秘密大執樣，為轉做國產女神作好準備，大幅度將小眼睛變大，鼻樑亦變得又直又高。
「呢排班 friend同佢食飯，都覺得 Theresa個樣唔同咗，尤其係對眼，無諯端比之前大咗好多，原來佢去台灣執過嚟，仲同人講呢啲喺台灣好小兒科，同學化妝無分別！」 Theresa身邊人說。
的起心肝撤退，翔龍灣舊居不再續租，三個月前， Theresa搬回媽咪位於筲箕灣的寓所。
「反正嚟緊好少時間留喺香港，租屋都只係嘥錢，搬返媽咪屋企雖然冇咁方便，但佢每次返嚟都係三兩日，問題不大，仲可以陪吓媽咪！」
手術有風險
整容風氣盛，方法愈來愈簡單，包羅萬有！整形醫生林竹筠說：「開眼頭同埋開眼尾係一種局部麻醉手術，將眼部皮膚剪開再縫番埋，令隻眼睇落大啲。但如果開眼手術做得唔好，有機會令到對眼唔對稱，尤其係眼尾，本身我哋嘅眼尾位係尖角，做得唔好可能會變圓，至於開眼頭手術就有機會傷到淚管。」
而隆鼻手術則更加普遍，林醫生說：「隆鼻方法有好多，最普通係將啲透明質酸打喺鼻樑、鼻頭，令鼻形靚啲，另外亦可以做手術，用啲假體或者耳仔軟骨放入鼻，都可以改善鼻嘅形態。但要注意，傷口有機會發炎，打得唔好可能會歪要重造，嚴重嘅有機會令到個鼻變形。」
08年戴了大眼仔，傅穎一度是宅男女神。 
03年Cookies年代的 Theresa，原庄微絲細眼。
未完全放低
跟羅仲謙分手已經兩年，但對大隻謙， Theresa始終有條刺。
「大隻謙同楊怡愈嚟愈公開，每次見到佢哋啲新聞， Theresa個心都好唔舒服，其實大家都有勸佢放低，決定去台灣同內地發展，都係個好方法，對 Theresa係好事！」身邊人說。
對於 Theresa另簽內地新公司，星皓發言人李小姐說：「 Theresa仲係星皓藝人，我哋只係同一間內地公司合作，佢會喺台灣同內地有新嘅發展，公司從無諗過放棄佢！嚟緊都有好多 planning。（ Theresa係咪整過容？）冇咁嘅事！只係化妝唔同咗啫！」
將長時間不在港，傅穎走前與媽咪擁抱。 
在金牌後期，傅穎與 Stephy不和，經常面阻阻。
大隻謙與楊怡拍住拖拍劇，戀情十分公開。 
加盟星皓後，傅穎被拍得與羅仲謙拍拖出海。
自作自受
留言列表
