《企業殺手》上映日期: 6月 1日以往專拍浪漫愛情片冧女嘅蘇志[!FE42],於新片《企業殺手》中演繹殺手,揸起槍個款又 cool又型,怪唔之得冧死女。
韓面
殺手的神話
近年韓國除拍間諜片掂,拍殺手片種一樣耍家。繼前年元斌主演的《殺手公司》大熱後,輪到 cool男蘇志燮上演的《企業殺手》勁爆。
《企業殺手》中,實力型男蘇志燮唔只化身冷血殺手上演連場動作戲,仲有闊別影壇 5年的影后李美妍復出,跟蘇志燮來一場感情大鬥法,加埋帝國之子最靚仔成員桐俊處男上場,帶領《企》片去年 10月上畫,埋單計數累積接近 200萬人次捧場,大勝同期上畫的《危險關係》,連張東健搭張栢芝都唔係佢對手。
箍殺目標做殺手唔係下下揸槍殺人,戲中蘇志[!FE42]亦趁目標人物唔為意,從後用繩箍頸,直至目標人物斷氣為止,手法極度殘忍。
戀上人母蘇志[!FE42]因認識桐俊飾演嘅新丁殺手,繼而識埋佢阿媽(李美妍飾),之後更愛上李美妍大搞姊弟戀。但因殺手工作太危險,所以蘇志[!FE42]要為愛情捨棄殺手工作,令佢非常困擾。
同謀追殺蘇志[!FE42]最後決定金盆洗手唔再殺人,但因知道其他殺手嘅秘密,所以最後一樣被其他殺手追殺,命懸一線。
自嘲唔打得
由 95年出道至今,蘇志[!FE42]攞過超過 20個有關演技嘅獎項,上年獲得《 SBS演技大賞》中「最優秀男優演技獎」,證明演技有番咁上下。
身高 6呎嘅蘇志[!FE42],雖自爆唔鍾意做運動,但平時都會去健身操 fit體型,所以剝衫露 42吋巨胸極有睇頭。
唔只拍劇同拍電影,今年頭蘇志[!FE42]更踩入歌壇,推出 EP《 6點……運動場》,唱片封套仲露出 6嚿腹肌,擺明引女粉絲幫襯。
桐俊拍到失眠
K-pop男偶像,唔只賣樣仲賣埋身。桐俊亦曾剝衫騷出 6嚿腹肌幫健身雜誌《 Men's Health》做封面。
9人男子組合帝國之子中,以桐俊(紅圈)最靚仔及最受歡迎,所以影親相都霸中間位。
撰文:何家文
留言列表