保護男友 見過家長滕麗名默認做小三
商天娥和滕麗名合作拍《結．分謊情式》鬧不和，擺明有你冇我，前晚兩人出席慶功宴時依然互當透明。滕麗名被指做小三踢走男友Matthew正印女友成功坐正，她聞言表現風騷，未有否認之餘，更暗示已見過男方家長，關係進步神速。
無綫處境劇《結．分謊情式》前晚播出大結局，眾演員商天娥、滕麗名、張兆輝、胡楓和林夏薇等到紅磡一同食飯慶功兼收看結局。
與商天娥互當透明
擺明不和的娥姐和滕麗名同場出現，但記者所見兩人並沒任何交流。偕老公到場的娥姐則拒絕接受訪問：「冇乜嘢好問喇。」她更不肯和老公一同合照。當劇中演員向娥姐送上鮮花時，滕麗名則站在一邊未有理會，一副事不關己的樣子。早前滕麗名被拍到跟從事行銷工作的圈外男友朱建崑（Matthew）同遊日本，感情似乎不錯，有指她做小三踢走Matthew的正印女友成功坐正，滕麗名對此風騷回應：「我係嗰本雜誌VIP，銷紙要多謝我，我自己睇都幾有可看性。」問到Matthew是否她男友？滕麗名未有否認說：「繼續影到咪係，影唔到咪唔係，佢唔係圈中人，我唔想煩到佢，如果我話係都幾麻煩。」提及被指是小三，滕麗名似暗認兩人拍拖說：「呢啲真係冇辦法，明明係好事，但就寫到係壞事。」雙方感情是否已穩定？她又轉呔指自己未有正式承認。適逢前日是母親節，問滕麗名可有見過男友家長？她坦言：「我所有男女朋友嘅家長我都識，仲成日一齊玩。」
林夏薇招呼風水師
此外，林夏薇早前被拍到和中佬出街，她解釋：「佢係一位北京嚟嘅風水師，佢嚟香港我招呼佢，其實嗰日仲有一個人喺現場。」她稱未有問風水師有關姻緣問題，笑問到若跟他發展豈非可以免費睇風水兼睇相？林夏薇大發嬌嗲說：「梗係唔好啦！」採訪：張俊銘攝影：陳俊強
滕麗名的情路可謂相當崎嶇，近日被指是小三撬走Matthew。《壹週刊》圖片
滕麗名被指做小三硬搶男友Matthew，踢走他的女友，滕言談間未有否認。
沈卓盈在劇中做第三者介入娥姐和張兆輝中，演出相當搶鏡。
鬧不和的娥姐和滕麗名，只肯相隔其他演員影相。
滕麗名「做」小三：總之開心啦
《結．分@謊情式》演員張兆輝、滕麗名和林夏薇等前晚到酒樓歡度母親節兼收看劇集大結局。阿滕早前被指與有「正印」的男子Matthew拍拖並同遊日本，成功踢走「正印」！春風滿面的阿滕被問到Matthew是否其男友，她說：「你話係咪係囉……繼續影到就係，影唔到就唔係！但如果話係都幾麻煩，因為佢始終係圈外人。（感情穩定？）我都未話認……總之開心啦！（被指係「小三」？）冇法，唔明點解明明係好事都講到唔好！」問到新男友有否與其母飯敍？阿滕笑着否認有新男友，並指自己的朋友，無論男女都互相見過家人，記者直接問她對男友家人的印象如何？她笑說：「我對佢（Matthew）印象OK……（家人）都OK，冇問題。」
而林夏薇早前被影到與一名中年男士逛街，她笑言媽媽看後覺得好笑：「嗰個係我屋企嘅風水師，佢由北京落嚟，我一盡地主之誼！」
《結‧分@謊情式》演員齊睇大結局兼歡度母親節。
留言列表
