有「無綫咪神」之稱的梁政珏（Jeanette），去年初因母親患病停工半年，直至最近才復工。復工後，她在無綫劇集《衝上雲霄2》中，更有機會與靚仔偶像張智霖拍熱辣牀戲，她憶述時掩不住興奮說：「呢場戲，係我入行以嚟最大膽嘅一次，我着住tube top、三角骨褲，喺被竇入面同Chi Lam親熱，佢好專業，完全帶到我入戲。點知，拍完一星期後，收到導演電話，話唔收貨，要重拍，佢話想好feel啲，叫我着一件若隱若現肉色雪紡睡衣，內裏只有bra同under。嘩！對住偶像着成咁，嗰刻我真係尷尬到暈，不過為工作無計啦！」

 

重投工作的Jeanette，近日被本刊拍到與北海道牧場餐廳老闆拍拖，不過她對此初萌芽戀情卻否認說：「我依家真係無拍拖，我只可以話我和呢位朋友正在相處中，而且大家都相處得非常愉快。至於拍唔拍拖，我真係唔想刻意去諗，因為我唔想有壓力。」

談到Jeanette對找另一半有何要求時，她說：「我想搵一個best friend做男朋友，大家咩都可以講，有開心、唔開心嘅事，都可以為對方分擔。」Jeanette還表示其正在相處中的「朋友」，是叫何思源，而並不是甚麼「牛乳大王」。能為「朋友」正視聽，Jeanette跟何君的友情有多深厚，不攻自破了。

 

 

PROFILE

姓名：梁政珏

英文名：Jeanette Leung

生日：6月18日

身高：165cm

體重：44kg

三圍：34C、24、34

學歷：美國Baylor University畢業，主修時裝採購，副修商科

入行經過：07年的第21期無綫電視藝訓班畢業生，第一套劇是在《同事三分親》中飾演便利店收銀妹，第一次入劇組個多月，就有報道指她背景猛料，所以獲高層珍姐特別交代要多畀機會。

演出作品：劇集《同事三分親》、《美麗高解像》、《真相》、《誘情轉駁》、《Only You只有您》；電影《美麗密令》、《72家租客》、《我愛HK開心萬歲》