被屈強姦
梁烈唯說外界以為他是有錢仔，其實幾窮冇人知：「全家開支包括房租同車位都係我畀，連結婚買樓都冇錢。」

孭起頭家 憑《缺宅男女》飾演關二哥而上位的梁烈唯，最近在《耀舞長安》扮女人笑死人，坐穩二線等紮的他，卻無端被捲入一宗強姦傳聞，指他在夜店非禮及強姦女藝人關婉珊；雖屬流料一單，但已對梁烈唯造成極大困擾。
而本刊發現梁烈唯父親和哥哥梁烈提原來先後破產，哥哥更欠銀行150多萬，梁烈唯要養起成頭家，好驚強姦傳聞影響事業，他接受本刊訪問時頻呼好大壓力：「精神好困擾，驚冇咗份工，到時全家唔掂！」

 
梁烈唯因拍劇表現出色受無綫力捧，最近連拍《大太監》及《法網狙擊》兩套劇，瞓覺都冇時間，卻突然傳出他蒲夜店時醉酒強姦關婉珊事件。他接受本刊訪問時表示大受困擾，激動地說：「好驚俾人當色情狂，好大壓力，好怕冇咗份工！唔知邊個咁作嘢，希望下次作我死咗，唔使再回應！」

負資產累事
工作對32歲的梁烈唯的確重要，記者追查下，發現他父親幾年前因生意失敗而破產，他哥哥梁烈提亦於07年被匯豐銀行追收156萬，但因他搬屋及轉工而不知情，直至去年轉新工，銀行才聯絡到他，但因無力還債而被迫令破產，全家開支靠晒梁烈唯。本週一（14日）梁烈唯解釋：「爸爸喺大約10年前高峰期買咗層樓、同埋買咗間office做塑膠生意，點知做咗負資產，後來供唔起層樓，銀行收番個單位變咗銀主盤，爸爸惟有申請破產。」他續說：「又因為阿爸係做生意，收入唔穩定，銀行要求加個擔保人，阿哥當時做銀行、收入穩定咪做擔保人囉，所以搞到阿哥要負責筆數。」

 
他解釋銀行將單位拍賣後，要償還差價及利息，所以仍欠銀行百多萬：「佢冇做銀行還唔到筆錢，冇商量餘地下被銀行迫令破產。佢都好勤力，家打份工扣除必要開支後剩低嘅要還錢。」現時其胞兄已搬開住，梁烈唯同女友及爸爸媽媽租住深井麗都花園，爸爸失業、女友要照顧自己屋企，梁烈唯頓成全家經濟支柱。「我要孭起全家開支，每月支出接近2萬，家人破產同俾人傳強姦呢兩件事令我精神好困擾，驚冇咗份工，到時全家唔掂！惟有努力工作，好彩TVB對我好好，好信任我！」父兄相繼破產，亦打亂了他結婚計劃：「本來諗住呢兩年結婚，但想有間屋先，不過開支又大好多，我哋有儲錢但未行到買樓呢步，或者事業再好啲至算，唔想丟低啲屋企人，同女友都有共識嘅！」肯孭起成頭家，家陣好少呢類後生仔囉！

搵食靠TVB
梁烈唯入行近10年總算冒出頭來，拍劇一套接一套外，亦參與無綫與邵氏合作的電影、以及憑電視人氣接廣告和活動搵錢，靠晒TVB。

壓力爆煲
瞓得唔好，好早就扎醒上網睇報紙，唔知點寫我。我好驚阿哥唔開心，又驚影響自己嘅形象，如果有能力我唔介意幫手還錢。夠膽出嚟面對面講，上埋《東張西望》都唔驚，唔好以為香港人係弱智。今次整我唔死，好驚下次唔知會唔會作大單啲。

離奇傳強姦　梁烈唯：行街俾人眼望望！
梁烈唯被傳本月4日在銅鑼灣夜店basement消遣時生事，同行有洪天明和范振鋒等人，梁烈唯親述有3個版本：「係有個記者打畀我女友我至知嘅，第一個版本話我醉酒非禮女藝人關婉珊、第二日傳我意圖強姦兼打個女藝人；之後再傳我強姦咗佢，對方報咗警添。」本刊向警察公共關係科查詢，證實傳聞所指日期並無案件涉及梁烈唯，證明他清白，但他仍然勞氣：「無中生有！對我形象同精神好有影響，行街俾人眼望望，好似覺得我係色情狂咁！（係咪得罪咗人？）我不嬲同人冇拗撬，如果我衰唔會有咁多朋友啦。我之前唔識關婉珊，冇合作過、冇懷疑佢；高層冇拉埋我哋一齊傾，樂小姐有問過我件事，公司向警方查過證明我冇做過，發生咁嘅事係有啲失望，但我對呢行嘅憧憬係唔會俾啲無聊嘢打擊到。」 ####

 


要養起全家，梁烈唯平日都要慳住使，今年1月他與爸爸、媽媽及女友Tina被影到吃大排檔，都由唯唯埋單。《壹週刊》圖片


07年銀行追梁烈唯哥哥梁烈提165萬元欠債，但其哥哥因搬了家及轉職，直至去年返新工才知道被追數，而因無力償還被迫令破產。


唯唯與女友Tina跟家人同住深井麗都花園，他不願透露租金幾錢：「出年租約完，擔心過埋今年會加租，到時至算啦！」


茶記兼職梁烈唯早前被發現在跑馬地「大少爺」茶餐廳兼職，他解釋只要冇劇拍就要搵錢，幫補家計。《壹週刊》圖片


密接電影近幾年拍過幾部電影如《我愛HK開心萬歲》等，雖然只屬二、三線角色，但密密拍算唔錯。


狂拍電視人氣急升令梁烈唯劇集一部接一部，現在拍攝《大太監》的他，今年已有7部劇集連續播。


撈埋廣告自「關二哥」演技得到認同後，他經常拍住「關二嫂」黃智雯接廣告和宣傳活動，計計埋埋收入逾3萬。


上週四唯唯與關婉珊一同出席《法》劇開鏡時更握手以證清白，行得正企得正唔使怕啦！


樂易玲：經過調查同向警方問過，得出結果根本冇呢件事發生。


洪天明：以我所知當日唯唯（梁烈唯）喺屋企，冇出過去玩，有人作到離晒譜！


周家蔚：唯唯對Tina（梁女友）好好，一定唔會咁樣，佢好斯文！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄