奪命長腿
今屆港姐質素比上屆好好多，尤其呢位參選佳麗索到震，佢叫Roxanne，一頭長髮甜樣已經引死人，最煞食係着住條熱褲露出一對超幼白滑長腿，夏天殺晒！
多靚女 近年港姐質素每況愈下，由'07冠軍張嘉兒開始，港姐幾乎同豬扒畫上等號，電視城亦喺港姐選舉期間轉型做扒房。
罕有北妹
呢位又係sell長髮同靚腿嘅陳思思，今年18歲，來自武漢，自稱仲讀緊大學，雖然外形算討好，可惜一開口滿口歪音廣東話，邊夠字正腔圓廣東話咁親切。
毒男必殺
「清純版湯盈盈」喺少數短頭髮得嚟又順眼，原來係Starz People模特兒Cindy Yeung，純情妹毒男最受。
藍底誘惑
現職網上銷售員嘅Kayley，今年26歲，一身黄裙夠搶眼，可惜質料太薄，搞到透出藍色底褲。
鄰家正妹
今年22歲嘅Gloria，勝在個樣kawaii，似足隔籬屋個女，着埋熱褲露出一雙長腿，落重佢注入圍啦！
咪睇漏眼
咪以為今屆港姐得前面6位睇得上眼，查實仲有4位跟尾，齊頭儲夠十佳索女，仲有30名佳麗等入圍，今屆真係超期待喎！
港版那些年
呢位參賽者有氣質，有少少似陳妍希和桂綸鎂混合體，可惜髮型同衣着偏娘，肯定要大執。
瘦版黃婉曼
自稱係part-time模特兒嘅Wingto，有啲似黃婉曼，雖然冇黃婉曼身材咁勁，但勝在笑得燦爛勁開心，又識擺甫士，唔參加真係嘥晒。
嫩口陳妙瑛
「嫩版陳妙瑛」唔算高，但勝在笑容夠甜，而且雙腳夠幼，身材均勻，即係四平八穩，冇乜甩漏，無綫一向最受呢類。
甜笑衞蘭
呢位唔肯透露姓名嘅長髮姐姐，貌似韓團一姐BoA，而笑起上嚟又有啲似衞蘭，不過走成熟大方路線，應該啱港姐大會口味喎！
異獸大聯盟
今年面試嘅港姐，雖然算係近年質素最好一屆，但每年梗有一班騎呢豬扒港女參加，尤其呢5件極品，有闊面又有騎呢紋身女，總之係異獸大聯盟，美國隊長個盾都頂唔順呀！
闊面小鳳姐
今年港姐多後生靚女參加，但呢位闊面港女，戴住大烏蠅鏡都冚唔晒半塊面，而且外形勁成熟勁似小鳳姐，如果有《盛女愛作戰2》實預埋你一份。
血盆唐貝詩
呢位姐姐驟眼睇有啲似寇鴻萍大女唐貝詩，但塊面就闊好多，加上個血盆大口，變形俠醫都成隻吞得落！
長髮關嘉美
原本背後睇，一把長髮引死人，但一擰轉面，嘴角粒大癦，同名醫關嘉美互相輝映。
夜場鳳紋身
個樣唔上粉不特止，身形又大份，擰轉身仲有個巨型鳳紋身，江湖味濃，如果咁都入到40強，港姐騷變江湖片啦！
平面方角嬸
呢位嬸嬸雖然笑容可掬唔似港女咁cool，但起角闊面同氣質就多咗份北方佳麗味道，不過老外通常buy呢款，話唔埋俾佢扑中選環球小姐怒挑老外機。 ####
留言列表
