10首金句公布後,同學即時在港開心公園開音樂會,獻唱10首好歌為同學打氣!

U SPY 雖然樂壇頒獎禮要喺年尾先開始舉行,但最近港大就搞咗個「港大最喜愛嘅10首廣東歌」,由港大800多位同學用近兩個幾月投票得出,結果Eason就有4首歌上榜,繼續成為大學生心目中嘅歌神!

 
原來呢個選舉係由港大「明我以德合唱團」發起,團長JL同Spy講:「年頭「勁歌總選」嘅金曲金獎由林峯首〈Chok〉攞,當時好多同學都唔認同,所以我哋就搞個選舉,希望大眾知道香港其實仲有好多好聽嘅廣東歌。」結果公布後好多人問點解70、80年代經典金曲唔入10大,JL有解釋:「我哋主要係選陪我哋港大同學成長嘅金曲,所以以80尾至千禧嘅歌為主!」個賽果Spy就覺得好合理,至少冇TVB親 生仔嘅歌先!

港大學生最喜愛嘅10首廣東歌
港大生投票選出嘅10首廣東金曲中,竟然連張智霖首〈祝君好〉及Shine的〈燕尾蝶〉都上榜,講真有不少網友表示未聽過Shine首歌。 1.《K歌之王》 2.《Shall We Talk》 3.《單車》 4.《海闊天空》 5.《心淡》 6.《最佳損友》 7.《祝君好》 8.《少女的祈禱》 9.《囍帖街》 10.《燕尾蝶》

歌神伴唱
今次選舉搞手的「明我以德合唱團」來頭好猛料,成員由港大各系同學組成,他們曾為師兄許冠傑演唱會做伴唱!

U SPY:
校園至爆猛料,U Spy一定睇實。 ####

 

arrow
arrow
    全站熱搜

    stacylife 發表在 痞客邦 留言(0) 人氣()