close


擁有巨肺聲、跳舞又夠勁嘅SPICA，隊員個個身高超過5呎6吋，又有長腿，難怪時裝雜誌亦經常搵佢哋示範時裝。

韓國女子天團少女時代，年頭攻陷香港後，嚟緊7月又話大軍過大海開騷，澳門隨時淪陷。但韓國多後浪，又點會得少時玩晒？
好似5為1體的新女組合SPICA，年頭挾着樂壇一姐李孝利師妹之名殺入娛圈。平均年齡只得23歲半的SPICA，成員全部高過5呎6吋，仲要係model身形，而且個個把聲勁具爆炸性嗌爆咪。如果話2012最強新男團屬SM Entertainment嘅EXO；最強新女團必屬SPICA。


被譽為2012必爆的韓國新女團SPICA，由於同樂壇一姐李孝利同屬中型經理人公司B2M Entertainment，所以被韓國傳媒叫做「李孝利師妹」，而公司為捧SPICA，年頭仲安排師姐李孝利，以低胸性感姿態演出其處女作〈狼毒地〉MV，實行以一姐名氣帶起新紮師妹。

集棄將組隊
韓國女團成員跳得唱得已屬基本條件，而SPICA成員更分別負責作曲同填詞，因為全組人都擁有超級巨聲，所以隊中每位成員都係主音。成員年齡由22至24歲的SPICA，特色係當中有部分成員曾做過其他女團棄將，好似曾參加過《Star Super K》（韓版《超級巨聲》）而落敗的金保亨；曾出任2NE1後備隊員的朴娜萊；還有最紅的楊知元，原來早年也與巨胸G. NA組成過一隊叫「5少女」的組合，不過未正式出道已解散，SPICA可以稱得上係雜牌軍。不過棄將可能係寶藏，好似扭籮舞后泫雅，亦曾屬Wonder Girls隊員，但離隊過檔4 MINUTE後，撈得掂過以前。

唔准食飯
由於韓國女團注重包裝，為keep住「S」形體態，除每日進行地獄式練舞外，最重要係飲食習慣，原來每位隊員每餐一定冇飯落肚，每日午餐及晚餐只食雞或魚，以及沙律和豆腐等低卡食物質飽個肚。雖然日日捱一模一樣的食物悶到爆，但為咗靚，個個犧牲捱餓，真係要同SPICA講個服字。

耀舞90後
2012年除SPICA之外，另外有5人組合DSP Girls同6人女團EXID都係包裝成長腿舞女，但比SPICA後生，個個都係90後勁嫩口。


DSP Girls 被封為翻版KARA嘅5人女子組合DPS Girls，成員最細為14歲，最大為18歲，勝在個個青春夠嫩口，但DSP Girls要到今年7月先出道，瞄準暑假檔期強攻學生哥市場。


EXID 由6個年齡16至21歲少女組成的EXID，專sell長腿，最叻係着住斗零踭高踭鞋跳勁舞，今年2月已推出細碟《Holla》，但氣勢同SPICA仍差一截。 ####


師姐勁撐 SPICA年頭推出第1首派台歌〈狠毒地〉，身為師姐嘅李孝利唔只做MV女主角，仲露埋事業線演出，勁撐班師妹。


喪騷長腿最近SPICA 5條queen為谷新歌〈Pain Killer〉，經常上SBS電視台嘅《人氣歌謠》狂騷長腿，大家睇J2嘅《K-Pop》就會欣賞到。


曾經霉過隊員最紅成員楊知元，原來多年前曾同嵋家已走紅嘅G.NA組過「5少女」組合，但當時因公司出現財政問題，未正式出道已解散


巨聲敗將而另一成員朴娜萊，加入SPICA前曾參加《Star Super K》，最後只入到十強，但贏唔到冠軍。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄