14/5 5:16pm
幫女友拖喼的謝偉業,一見到記者即時行快兩步,而徐子珊嚇到匿埋喺石柱後面,等男友離開斷正現場,徐子珊先扮鎮定行出大堂,成功避開兩人合照的機會。
自佘詩曼離開無綫之後,「姣佘」地位後繼無人,剩餘的花旦以徐子珊吸仔力最強。最新消息,快將33歲的徐子珊終於成功泊到好碼頭,冧掂現年41歲、有「翻版中田英壽」之稱的眼科名醫謝偉業醫生。
為保戀情,子珊貝沙灣閨房成為二人拍拖私竇。本刊連日追蹤,發現謝醫生一連4日留喺女友貝沙灣屋企,二人更於本週一,拖住行李前後腳現身貝沙灣大堂,謝醫生預備送女友到機場。子珊終於搵到個醫生筍盤,溝唔到吳卓羲,執番身彩啦!

 

公子變穩重
謝偉業以前經常出席公開活動(左圖),每次現身都西裝骨骨,事隔幾年,上週五佢四圍撲買外賣畀子珊嗰陣,衣着明顯樸實不少,仲有些少中年發福。

溝女唔孤寒
知情人士說︰「子珊同Marvin(謝偉業)係朋友介紹嘅,謝醫生對子珊一見鍾情,經過幾個月狂追,大約2個月前終於追到手。但子珊上緊位,所以都好口密,但Marvin嘅朋友都知道佢哋拍緊拖。」 41歲有「翻版中田英壽」之稱的眼科專科謝偉業醫生,家底唔錯,亦有多項物業。雖然謝醫生曾有一段10年婚姻,育有2名子女,但於04年已離婚。謝醫生追女技巧亦有一手,每次約會唔係5星級酒店、就係最高級餐廳,絕不手軟。05年梁榮忠發生車震事件之後,謝偉業即刻向鍾麗淇埋手,不過戀情只維持幾個月,好快謝偉業就與任葆琳傳緋聞,專吼選美佳麗。

名醫筍盤
現年41歲的謝偉業,曾於威爾斯親王醫院眼科任榮譽臨床助理教授,現於中環和旺角設有2間眼科診所,專責做白內障及眼部矯形手術,基本診金5百,計埋藥費1千蚊可以埋單,而白內障手術約1萬5千,收費算合理。於03年,謝醫生踩過界引入面部拉線手術,屬香港整形先驅。謝醫生身邊亦曾出現過唔少女星及女模,亦不時接受訪問,06年他便因過分自我宣傳而被醫委會除名2個月及緩刑2年。08年亦曾被稅務局入稟追討近100萬欠稅。雖然有官非,但據知謝醫生水頭充足,並擁有多項物業,絕對是超級筍盤。

專追女星
06年,本刊拍得謝偉業,與正跟梁榮忠冷戰的鍾麗淇到灣仔酒吧狂歡,可惜戀情只維持幾個月,對於前度有新歡,已為人母的鍾麗淇說︰「係嘅就恭喜佢!不過,我哋已經好耐冇聯絡,一直都係朋友囉。」

 
06年尾,跟鍾麗淇分手之後,謝偉業不時跟任葆琳出席活動,兩人即傳出緋聞,任葆琳本週一對本刊說︰「我認識佢嘅時候,佢仍有太太,我同佢前妻有生意合作,從來冇同佢拍過拖,唔好亂寫。」


離婚後,謝偉業不時外出夜蒲,2年前於社交活動,認識現已嫁人引退的日模椋名凜,據知力追幾個月,但食白果收場。

撲2粒鐘外賣
上週五(11日),謝偉業晚上8點由旺角診所收工,由彌敦道步行至朗豪坊,其司機一早已在等候,其間經過買珍珠奶茶鋪頭,謝偉業先買外賣上車,再直駛去跑馬地一間超級市場,不過喺蔬菜部兜咗個圈就離開,再上車到灣仔「再興」燒臘店,一共買了3盒外賣燒味。「再興」是米芝蓮推介名店,謝醫生果然細心。前後奔波接近2粒鐘,謝醫生才由司機送到徐子珊居住的貝沙灣4期入口。落車後,謝偉業警覺性甚高,左望右望先步入閘口,而且熟悉架步,明顯唔係第一次到訪徐子珊香閨。

幫子珊拖喼
當晚謝醫生於貝沙灣逗留至半夜,記者仍未見他離開。謝醫生於貝沙灣逗留了3晚,本週一(14日)下午,本刊發現他快速拖着一個黄色大行李箱離開徐子珊寓所,準備到停車場取車,子珊則緊隨其後。但之後子珊發現記者,謝醫生即時閃開,不知所蹤。後來子珊索性自己駕車到機場準備飛澳洲拍特輯。記者即上前問她們拍拖幾耐?子珊不斷重複講對方是「朋友」,不堪本刊追問,才甜笑補充:「了解中嘅朋友。(佢買咩燒味?)唔講咁多喇。」本刊亦曾致電謝偉業手機,但至截稿前仍未回覆。

冇仔唔得
04年四料港姐冠軍徐子珊,初出道因在電台節目大談性經驗,而被無綫雪藏。07年曾經出過一張唱片,一首〈Hit Me〉深受宅男歡迎,性感形象深入民心;入行7年,緋聞從未停過,而且橫跨不同階層,由髮型師、天王巨星、甚至超級富豪通通係佢獵物。 ####

 


對眼靚咗
謝偉業除咗係眼科醫生,仲幫人做眼部整形手術。咦!徐子珊近排對眼靚咗,唔通?


失婚眼醫
謝偉業


5:15pm貝沙灣拖喼


前後腳斷正後,嚇到謝醫生匿到停車場,原來更靜雞雞避過記者耳目,將女友的黄色喼搬咗上車(箭嘴)。之後徐獨自登上自己坐駕到機場,在車上勉為其難對記者揮手。


9:00pm


11/59:30pm
醫生撲外賣
謝醫生當晚8時收工之後變身做阿四,四圍撲幫女友買外賣,仲專登去灣仔「再興」買燒味,「再興」係米芝蓮食府,出名叉燒飯。謝醫生直至差唔多9點半才到達貝沙灣,想餓死徐子珊咩?


《飲食男女》圖片


14/5
記者早上致電到診所,姑娘話謝醫生當日唔會返診所,原來係準備送徐子珊出埠,真係廿四孝男友喇。


謝醫生的診所位於中環皇后大道中9號,規模頗大,生意唔錯。


'06 《蘋果日報》圖片


'12


謝偉業於facebook內,為自己即將搞的整形生意宣傳,仲講明要請model幫手,徐子珊可能要幫吓手喎!


謝偉業現居位於淺水灣的喜蓮苑,該單位只租不賣,月租7萬幾,唔係人人租得起。


鍾麗淇係就恭喜佢!


任葆琳從來冇同佢拍拖!


椋名凜食白果


當旺花旦徐子珊正被無綫力捧,一劇接一劇,《雷霆掃毒》之後又會拍《衝上雲霄2》,加埋又有新男友,龍年當旺。


了解中嘅朋友!真實對白子珊話謝醫生原本送佢搭飛機去澳洲為無綫拍特輯,但由於被記者嚇親,所以對方「唔知去咗邊」,佢要打電話畀謝醫生問吓佢身在何方。


13/5 週日到葵芳出席母親節活動之後,徐子珊即趕到小欖為《雷霆掃毒》埋尾,為慳時間,鬼妹仔性格嘅佢,唔介意喺車入面換戲服。


飛奔餵佬母親節拍戲到深夜,徐子珊收工後邊度都冇去,返屋企陪謝醫生。


'05黎明當選港姐後,因一次電台訪問冧掂黎明,並獲黎天王點名拍攝電訊廣告,但拍拖唔夠一年分手。


'10陳國強被指與已婚無綫新老闆陳國強於ifc國金軒共晉晚餐,更傳徐子珊獲提前續約5年,更加薪3成,被捧上做女一。


'11馬德鐘拍攝《洪武三十二》與有婦之夫馬德鐘撻着,馬德鐘於橫店發生輪玩陳嘉桓事件,徐子珊更公開力撐馬德鐘,又指私下曾與馬德鐘等人飯敍,雖然間中有飲酒,但卻未見過對方有不禮貌行為。


'11吳卓羲吳卓羲和徐子珊於旺角街頭拍《法證先鋒3》親吻戲,兩人連咀5次。吳卓羲的行蹤逃不過正牌女友張馨予法眼,張馨予立即來港到實,仲改佢花名做「香腸姐姐」。


'11髮型師Deil 被本刊發現跟貌似吳建豪的6呎型男,於貝沙灣拍拖行超市再返香閨,其後子珊澄清對方只是其髮型師。



文章標籤

創作者介紹
創作者 litalife 的頭像
litalife

818 娛樂八掛大放送★

litalife 發表在 痞客邦 留言(0) 人氣()