朱慧敏學安祖蓮娜40歲後切胸保命
國際性感女星安祖蓮娜祖莉（Angelina Jolie）因基因問題而切除乳房，同樣有遺傳乳癌基因的前港姐亞軍朱慧敏大讚對方勇敢、堅強，自己廿歲時都曾考慮做切除乳房手術，但醫生指她未結婚生仔，故不建議，而其母及姨姨都是四十八歲因乳癌逝世，面對這個「關口」，她表示會活得開心一點，更指四十歲會考慮做手術，更坦言：「問我切除乳房定要條命，我情願保住條命。」
現年三十二歲無綫處境劇《愛‧回家》女主角之一的朱慧敏，遭遇亦與安祖蓮娜相似，她亦有遺傳乳癌基因，其外婆、母親及姨姨都是因乳癌而病逝，其母及姨姨都是於四十八歲時去世，昨日朱慧敏接受電話訪問時，坦言約十年前曾經考慮過做切除乳房的手術，不過當時醫生不建議她做，因為她還未結婚及生小朋友，朱慧敏坦言四十八歲對她來說是一個關口，如果切除後可以長命一點，她都會考慮。問她現時會否再作認真考慮，她說：「我諗四十歲之後啦！如果未有小朋友，到時睇吓自己嘅身體狀況同問吓醫生，可能到時有藥食唔使割呢！其實做都係一件好事，問我切除乳房定要條命，我就情願保住條命。」
憶亡母感遺憾
她表示安祖蓮娜很堅強，指她做法很明智，加上她現時不是抗癌，而是預防乳癌，她說：「呢個係其中一個積極嘅做法，不過以我所知，切除乳房係減低80%風險，但如果冇切除乳頭同乳暈，仍有風險喺度，就算切除所有，都唔係100%冇事。」朱慧敏坦言廿歲時於美國已知有這個手術，亦有跟做醫生的親戚傾談此事，故對她來說，不是一件震驚的事情，她指安祖蓮娜今次帶給正面訊息，是很好的事，她說：「其實佢可以唔話畀人知，外觀唔會有太大影響，切完可以搵個整容外科醫生擺番啲嘢入去，又唔係唔着衫，根本冇人會知。」
憶起逝世的母親，朱慧敏感到有點遺憾，她坦言母親離去時四十八歲，當時她還未卸任港姐，問她會否因遺傳基因而恐懼，她謂：「咁又冇！我相信命運，我生出嚟就有呢個基因，唔可以逃避，只可以接受而積極面對，我依家飲食會注意，食少啲有激素嘅嘢，好似避孕丸、燕窩、雪蛤膏、雞等，多吃蔬果同生果。」她又指別人一年做一次乳房檢查，但她就半年做一次，睇的醫生亦是乳癌專科醫生。
朱慧敏與Eddie拍拖撐枱腳。 
朱慧敏還未卸任港姐，母親已因癌病離開。
與另一半傾過
至於不少人覺得女性切除乳房，另一半或多或少都會介意，朱慧敏坦言與另一半都有談及此，她說：「有o架！但如果對方介意，就唔係真愛，咁可能我因天災橫禍冇咗對腳或者盲咗呢！到時佢唔鍾意我都唔係真愛啦！」說到四十八歲的「關口」，她樂觀表示有陣子不開心，就會問自己為何要不開心呢？她說：「如果我打破唔到四十八歲，依家我啱啱三十二歲，咁咪得番十六年命玩，所以我要開心啲，開心啲個人都長命啲。」 記者曾致電朱慧敏緋聞男友EO2的Eddie，至截稿前未回覆。
文：影視組
母親外婆阿姨相繼乳癌病逝
朱慧敏效安琪蓮娜切乳房
#video_player{width:100%;height:100%;}
■美國紅星安琪蓮娜祖莉撰文驚爆已切除雙乳，以預防患上乳癌令子女失去母親，事件轟動全球。資料圖片
37歲美國紅星安琪蓮娜祖莉（Angelina Jolie）因帶有「錯誤的基因」，昨日宣佈早前做切除乳房組織手術，以預防患乳癌和卵巢癌，她因擔心六名子女失去母親，故為家庭決定做這手術。媽媽、婆婆和阿姨都因乳癌過身的朱慧敏，屬高危一族，故她坦言曾認真考慮切除乳房。至於同樣曾切乳的抗癌鬥士溫裕紅及切去腫瘤的林淑敏，讚安琪蓮娜的決定果斷。
荷李活巨星畢彼特（Brad Pitt）的女友安琪蓮娜祖莉，昨日勇敢承認於今年2至4月期間，已接受了切除雙乳乳房組織手術，因她帶有「錯誤的基因」，安琪蓮娜為免六名子女痛失母親，決定接受手術解除危機，她昨日勇敢公開事件，震驚全球。
■朱慧敏的媽咪、婆婆和阿姨都因乳癌離世，故她謂考慮生育後切除乳房。資料圖片
「冇嘢重要過生命」
前港姐朱慧敏的媽媽、婆婆和阿姨都因乳癌過身，故她屬高危一族，朱慧敏昨在電話中讚安琪蓮娜勇敢，坦言自己曾認真考慮接受切除乳房手術，她說：「佢好勇敢好堅強，好明智接受呢個手術，佢以小朋友同家庭為先，掙扎好耐又問過專業人士意見，佢做咗好好榜樣。其實自己都係有咁情況，媽媽同阿姨都係48歲唔喺度，婆婆63歲走，我24歲做測試知道帶有基因，搵過美國同香港醫生傾過，嗰時自己考慮切除乳房，醫生建議我生小朋友先，因為切咗唔可以餵人奶。」
■抗癌勇士林淑敏覺得生命比乳房重要，讚安琪蓮娜決定果斷。資料圖片
朱慧敏坦言想生四個小朋友，問會否驚患上乳癌？她灑脫說：「唔驚得咁多，命運注定，自己經歷過見證家人病情，有強嘅心理質素，避免食激素燕窩，又少食肉，做多啲運動，我好正面，唔恐懼亦唔抗拒。冇嘢重要過生命，醫生話可以做義乳，希望香港男士如果面對呢個情況，可以畀女性心靈支持。」
港、台有多名女藝人曾不幸患上乳癌，如蘇施黃、葉麗儀、陳美齡、薛芷倫、汪明荃、仙杜拉、蔡琴、林淑敏和溫裕紅等，她們靠堅強意志戰勝癌魔，前港姐林淑敏三年前患上乳癌，並接受右邊腫瘤切除手術，現已康服重投幕前演出。對於安琪蓮娜親證已切除雙乳，林淑敏昨日在電話中說：「我相信佢經醫生評估過先有呢個決定，生命係緊要過一對乳房，呢方面我覺得外國人較中國人果斷，對佢嚟講呢次手術係必須，冇人想有此決定。」
■鄺美雲昨日指一切皆有天意，故不怕患乳癌。
溫裕紅：值得讚許
05年患上乳癌的無綫女藝人溫裕紅，當年為保命接受了切除左乳手術，她昨在電話說：「佢有錯誤基因，切咗乳房可以減低風險，佢呢個決定好勇敢好叻，好值得讚許。當時我切完乳房裝義乳，有埋假乳頭，好完善，手術到𠵱家冇後遺症，我覺得呢樣嘢唔係要對人交代，只要老公仲咁愛你就得。」裕紅認同中國人思想傳統，她說：「佢哋可能覺得做切除乳房手術會好自卑，但呢個器官唔同胃，冇咗都唔會好大影響。」
媽咪曾患乳癌和血癌的鄺美雲，昨到九龍灣出席佛教活動，對於安琪蓮娜切乳防患癌，她驚訝反問：「為咗預防？其實我媽咪都係咁，癌症有好多方面，後天心情影響同壓力形成，唔需要去到咁，可能會有啫，佢都咁大個唔使咁激動，自己細個都驚同擔心，但大大吓冇呢個諗法，覺得天意，如果呢個世界唔需要你，咪投胎做另一個人。」
採訪、攝影：比華利、黃曉妍、林妃
Kylie抗癌成功
安琪蓮娜預防勝於治療，為子女着想先行切除乳房組織，事關不少外國明星都患有乳癌此致命疾病。
嘉菲貝絲（Kathy Bates）
《危情十日》金像影后嘉菲貝絲02年戰勝卵巢癌，但去年再被驗出患乳癌，接受兩次乳房切除手術。
Kylie Minogue
Kylie Minogue
澳洲小雲雀Kylie於05年患乳癌，之後做化療及手術，成功擊退病魔並復出。
仙菲亞妮遜（Cynthia Nixon）
《色慾都市》同志女星仙菲亞06年患上乳癌，康復後去年與女友Christine Marinoni拉埋天窗。
奧莉花紐頓莊（Olivia Newton John）
主演《油脂》的澳洲女歌手ONJ，92年被驗出患乳癌，她經歷了長達六年抗癌期。
Peter Criss
男性也會患乳癌，美國Kiss樂隊成員Peter Criss08年被驗出患此病，並接受乳房腫瘤切除手術。
Anastacia
03年成功抗乳癌的美國女歌手Anastacia，近日復發而取消歐洲巡迴演唱會。
資料來源：《蘋果》資料室
琦琦感動女神無私大愛
琦琦的丈夫任達華曾與安祖蓮娜祖莉於電影中合作，琦琦昨晚出席TOD'S活動時，被問到可有留意安祖蓮娜切除兩邊乳房組織一事，她說：「我無睇新聞，嘩，聽到都毛骨悚然，女神點解咁，好可惜。我好鍾意佢，老公之前同佢合作過，讚佢好專業，吊威吔吊足兩日都無怨言。依家女神咁樣，惟有送上祝福，希望唔好嘅事唔會再發生喺佢身上。母愛好偉大，為咗仔女無條件，無止境付出，母愛係無私嘅，愛自己仔女多過愛自己，佢無私嘅愛令我好感動。」
同場的謝婷婷和鍾楚紅亦大讚安祖蓮娜偉大和勇敢，婷婷說：「87%都幾高危，係個人嘅選擇，佢咁做未必唔好，係好偉大好正面嘅事。（佢咁性感好可惜？）性感唔係在於着唔着衫，佢係個堅強嘅女人，我就無佢咁嘅勇氣，佢都係為咗仔女着想。」紅姑則說：「佢咁做唔係為自己，係為佢嘅小朋友，對家人負責任，佢叻同靚都唔及佢嘅大愛咁受人尊敬。」另外，鄺美雲昨日出席另一活動時卻表示不贊成安祖蓮娜的做法。
謝婷婷
鍾楚紅
鄺美雲
蘇施黃過來人讚無懼輿論
圈中女星包括蘇施黃和林淑敏亦曾患上乳癌，並因積極面對成功戰勝癌魔。對於安祖自爆切除乳房防患癌，阿蘇大讚勇敢：「作為一個藝人肯講已經好勇敢，加上佢靠樣同身材表演，講出嚟承受好大輿論壓力。雖然佢未有癌就做切乳房手術，但我覺得可以接受，萬一將來發現患癌，就一發不可收拾。」阿蘇憶述自己2005年發現胸部有一粒小於1cm腫瘤，為免惡化接受切除腫瘤手術，胸部保得住，她說：「其實癌病對我嚟講係好小事，類風濕關節炎先令我困擾，最嚴重試過上車要四個人扶，急尿但隻手痛到冇能力拉褲鏈。」
林淑敏：生命比外表重要
林淑敏亦對安祖的做法大表認同，她說：「我好明白佢個諗法，如果到真係發現有事（先做手術）就好麻煩，可能佢去得第三世界國家探訪多，見到嘅嘢同我哋都市人唔同，覺得生命比外表更重要。」至於曾患癌症、但現已康復的汪明荃，亦大讚她偉大，她說：「一般人通常發現有癌病先做手術，依家佢為家人咁做，好偉大，另一半陪住佢亦好重要，（當年都有另一半支持？）咁耐唔記得喇，當然都有屋企人支持啦！」
林淑敏
黎諾懿力撐：健康最重要
與朱慧敏合作拍攝處境劇《愛‧回家》的黎諾懿，表示支持朱慧敏打算切除雙乳的諗法，認為健康最重要，他說：「最緊要到時聽醫生意見，如果為健康切除都無可厚非，就算之後做唔做番隆胸整形手術都冇問題，依家時代唔同喇。」
蔣家旻也認同朱慧敏的想法，大讚她勇敢，她說：「如果不幸事情真係發生，切除係可以保住條命，我都支持咁做，生命係最重要嘅，就算切除咗喺外觀上、着衫可能冇咁好，但真正愛自己嘅人或者係另一半都一定唔會介懷。」蔣家旻又讚朱慧敏樂觀，平日開工總是笑容滿面，沒有因遺傳影響心情。
黎諾懿、朱慧敏
而朱璇則對切除雙乳做法有保留，認為事情或許有轉機，她說：「小心啲係好，雖然係遺傳，但都未必一定會有嘅，未必要用咁極端嘅做法，可能到時有轉機呢，希望佢唔會有呢個病，祝福佢好運。」
周秀娜：覺得佢好勇敢
圈中不少身材逼爆女星對於安祖蓮娜切除乳房防乳癌的舉動大讚勇敢，當中何佩瑜自言未有此勇氣，但趙碩之則表示若大機會患上，都會倣效她一樣切除D cup咪咪。
周秀娜︰
覺得佢好勇敢，好大膽，畢竟都要做手術！雖然自己家族冇呢方面遺傳，但我每年都會做檢查。
何佩瑜：
我未必夠膽咁做！佢好大膽，自己就冇咁嘅膽識，我會定期做檢查，如果有事就盡快去醫。
陳靜儀：
屋企冇呢方面遺傳病，但爸爸就因為三種cancer過身，所以自己都會定期檢查，而且當有小朋友，就要做產前檢查，睇下會唔會遺傳下一代。
陳靜儀
趙碩之
趙碩之︰
估唔到佢會咁做，好勇敢，我如果有八成以上機會率有呢個風險都會切咗去，預防一定會做。我覺得做媽咪好偉大，為畀正面訊息子女，即使之後身材冇咁靚，佢都願意咁做。
任達華：勇敢偉大
#video_player{width:100%;height:100%;}
■任達華大讚安琪蓮娜勇敢偉大。資料圖片
任達華03年曾與安琪蓮娜祖莉合作演出荷李活電影《盜墓者羅拉：生命之匙》（Lara Croft Tomb Raider：The Cradle of Life），對於安琪蓮娜切除乳房組織，華仔昨在電話說：「佢勇敢偉大，內心世界太美啦，佢呢個決定仲畀癌症病人帶出好多鼓勵，千祈唔好諱疾忌醫，無論作為女性或母親，佢都好偉大。希望佢早日康服，以後都咁健康，我期待再同佢一齊合作。」他又寄語畢彼特（Brad Pitt）任何時候都要愛安琪蓮娜。
華仔太太琦琦昨在金鐘說：「我聽到毛管戙，好可惜，佢係我女神，既然決定咗就送上祝福，母愛真係偉大。」同場的謝婷婷說：「佢犧牲自己為咗仔女，好偉大。」鍾楚紅昨晚也大讚說：「佢叻同迷人地方就係大愛，如果我有事都會做，但如果同佢同一個case就好難講。」梁詠琪（GiGi）和熊黛林（Lynn）曾任關注乳癌的粉紅絲帶代言人，GiGi說：「佢嘅舉動帶畀乳癌者無形支持，相信佢嘅家人以佢為榮。」Lynn也說：「好勇敢，無論乜嘢事都好，唔放棄都有希望。」
採訪：比華利
留言列表
