close
前華仁葉 sir深受同學愛戴，有同學 po番佢 01年上《百萬富翁》條片，因為太有自信答錯咗一條 25萬嘅題目，最後跌落去保險線，拎得 7萬 5千蚊走，但就贏盡同學心！
U Spy
fb secrets大熱 中學名校跟風爆料
Secrets潮更席捲各中學，一班名校中學生都唔執輸玩爆學校料，當中以香港華仁最搞嘢，同學爆華仁前化學老師葉 sir上過亞視遊戲節目《百萬富翁》，並將片段上載，搞到唔少舊生留言話好懷念佢！
至於其他中學秘密專頁，多數都係小情小趣，全因有管理員審查，但英皇書院就有同學將老師金句及佢嘅相擺上 page，點知由同學擔任嘅管理員又直接貼出嚟，最後驚動校方，怕死嘅管理員仲退出埋添。
同一時間有咁多 secrets page出現，曾有同學質疑會唔會係內衣名牌 Victoria's Secret嘅宣傳伎倆，但 Spy問番相關公司，佢哋就話聽到都 O晒嘴，根本唔關佢哋事！明晒！原來只係同學自發嘅爆料專頁啫！
爆金句
其實英皇嘅同學仔又唔使咁驚青嘅，大家有言論自由㗎嘛，同學唔好咁敏感，放鬆啲啦！
踢如廁後唔洗手
Secrets page爆嘅料真係咩都有，有聖類斯同學踢爆老師去完廁所唔洗手，為人師表，基本衞生常識都冇仲要死撐？
想知更多 secrets page嘅料，即上 facebook FACE CAMPUS校園版
U Spy：
全站熱搜
留言列表
