出名寸嘴的秋生連一代宗師都唔放過，週日表示將飾演的老年葉問瘦到似道友。

尊師重道 葉問熱潮hit足幾年都仲，多得宇宙最強甄子丹打開個頭，仲有王家衞套《一代宗師》拍極都唔完keep住火候，淨係今年，就有三個版本嘅葉問排隊上畫。葉問養活唔少電影人，偏偏8月開波扮老年葉問，就快51歲嘅黃秋生把口唔收：「葉問年老時瘦到似道友，都唔明點解搵我拍！」連祖師爺都敢鬧，呢行除咗秋生睇怕冇第二個！

 
身為葉問徒孫、兼且係電影出品人兼陳嘉桓經理人，冼國林繼《葉問前傳》後，今年又再籌備拍《葉問》終極篇，以葉問老年故事力拼集朝偉嘅電眼葉問同甄子丹嘅3D葉問。冼國林千挑萬選影帝黃秋生飾演中老年葉問，誰不知要三個月減20磅嘅秋生，卻怨言減咗都唔慌似。

 
身為葉準徒弟，葉問徒孫兼電影出品人冼國林就話，自己同師傅葉準都唔會嬲秋生。

「道友」餐單
*戒油 *戒糖 *戒澱粉質 *每日打木樁打沙包

後悔接戲
週日（13日），為套戲減磅中嘅秋生，在尖沙咀出席讀書會，一見記者問起減肥進度，即時一輪嘴呻不停：「要喺8月前減20磅，你都知啦，減肥嘅嘢減到某個位就好難再瘦，我都唔知我減唔減到！其實我接完呢套戲都好後悔，我同佢（葉問）根本就唔似，佢老年嗰陣時瘦到似道友，我瘦極個骨架都仲喺度，我都唔明Herman（導演邱禮濤）點解會搵我！」

老闆指定
咁難為又接？「咁呢個角色由40歲拍到老年，其實都好吸引兼好有挑戰性，我拍戲咩功夫都接過，係詠春未試過吖嘛！」秋生把口唔收，好彩出品人冼國林夠大方：「咁都唔算係冇禮貌嘅！以我所知，秋生份人好尊師重道，係講嘢直啲，『道友』呢個都係形容嚟啫，唔咁樣講大家可能真係唔明師公有幾瘦。事實上葉問老年又真係瘦到道友一樣嘅。我諗就算係師傅（葉問兒子葉準）聽到都唔會嬲嘅！請秋生拍葉問一直係我嘅意思，我見過佢光頭，頭形真係同師公好似，同埋秋生做戲勁，低B、弱智、變態、白癡都做到吖嘛！」低B弱智變態白癡都做到，其實秋生做鬧人唔使本、臭口角色先最啱囉！

3套新《葉問》
《葉問》終極篇係講葉問移居香港後中年至老年經歷，除咗三位主角外，冼國林話徒弟杜宇航及陳嘉桓一定有份，不過角色就要保密先。

3D版
黃百鳴08年搶咗王家衞頭啖湯，《葉問》勁收2千5百萬，拍完《葉問2》今年《3D葉問》分分鐘又快過《一代宗師》。

終極篇

慢版
拍咗六年都未拍完，話年尾上畫，近日傳出仲未拍完，王家衞嘅《一代宗師》真正慢工出細貨。

鬥瘦場
女星減肥為咗靚，男星就大多數為套戲。秋生為扮道友葉問三個月減20磅驚未能達標，其實圈中大把男星大把經驗可以分享。

張家輝 半年瘦40磅
去年張家輝為咗《大追捕》嘅監躉角色減肥，足足七個月唔食飯、狂做運動，本來將近140磅嘅佢最終減到唔夠100磅，睇相又唔似啫。

古天樂 三日減20磅
當年為做《門徒》道友減磅未算勁，10年古仔再為《竊聽風雲》煞科戲減肥，自稱三日完全不進食狂跑步，成功減掉近20磅喎。

彭于晏 一個月減15磅
做慣陽光少男嘅彭于晏去年為拍《翻滾吧，阿信》的體操運動員角色，由接到劇本至開鏡，短短一個月減掉15磅。

火爆影帝
入行近三十年，黃秋生爛片拍唔少，爛口寸嘴性格更加出晒名，95年至02年間更加出過三張個人專輯，不過首首歌都因為粗口爛舌，電台同卡拉OK都冇得聽。 議政今年初特首選舉撐梁振英有義氣、沉穩踏實、思路清晰有口才，不過論到另一候選人唐英年時就話：「你鍾意一隻狼做領導人，定一隻雞、一隻鴨或者一隻豬做先？」 藐 10年書展謝絕模寫真入場，秋生叫模向性工作者團體紫藤申訴：「搵紫藤啦！知唔知紫藤係咩呀？」勁寸模係性工作者。 鬧TVB 09年盛裝出席《Laughing Gor之變節》首映，開場唔夠十分鐘即撇：「主角冇位坐，唔識搞就唔好搞啦，入場都戇居居！」 靠嚇 02年駕車外出與的士司機起爭執，的士司機報稱被秋生恫嚇：「信唔信我搵人一捶打死你！」事後秋生否認名下有涉案車輛。 ####

 


老年葉問堅瘦葉問老年時確實相當清瘦，不過形容詞都唔使一定用道友嘅。


左起：葉問葉準


左起：葉準冼國林《蘋果日報》圖片


秋生上週六開始減肥大計，第二日已經呻：「我份人好鍾意食嘢，為咗做葉問每日食埋啲冇味嘅嘢，真係好痛苦、好後悔接咗呢個角色。」


高峰期180磅秋生早年爛片拍得多，外形亦不修邊幅，高峰期體重達180磅。《蘋果日報》圖片


揀秋生做老年葉問，冼國林話：「係我諗到，師公老年時真係瘦到似道友。」


黃百鳴


袁詠儀飾新歡上海婆


黃秋生飾葉問


曾志偉飾武林高手


陳嘉桓身份秘密


王家衞

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄