和聲個 pizza成為中大同學新歡，聽講除咗單買一件，仲有 8吋同 12吋成個 pizza咁買，開 party啱晒啦！ 

U Spy

中大 Openrice變打手專頁

大學飯堂出名難食，不過近日 fb就出現咗個「 CUHK openrice」嘅食評 page，做法其實係 secrets page翻版，都係匿名食評，開咗唔夠一個禮拜就有 5千幾人 like，但係留言只係一味讚中大有咩好嘢食，睇到 Spy都想去中大走番轉。

 

其中有同學仔力推和聲書院個 pizza勁多大肉腸同粟米，只係賣廿八蚊皮薄餡靚又足料，仲即叫即焗，係中大學生必食。據 Spy了解，呢個 canteen先開咗個幾月， pizza就榮升銷售榜第一位，個個同學爭住買嚟食！和聲 canteen發言人 Crystal同 Spy講：「 Pizza全日供應，朝 11晚 8都有得賣，即叫即整保證新鮮，雖然呢個 canteen比較偏僻，喺陳宿（陳震夏宿舍）落校巴仲要行 5分鐘，不過都好受同學歡迎！」成個 page有讚冇彈，似乎專頁個 admin都好手鬆喎，搞到變咗打手 page， Spy就建議 admin加多啲彈嘅 post，等初嚟埗到嘅師弟妹唔使中伏，啱數啲喎！


除咗和聲 pizza，善衡書院嘅口水雞都好出名，有同學仲話：「口水雞啲辣椒渣用嚟撈飯真係超正，仲有湯有茶， 30幾蚊都抵！」 

U Spy：

校園至爆猛料， U Spy一定睇實。

 

想知更多 secrets page嘅料，即上 facebook FACE CAMPUS校園版


撰文： U Spy

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄