close
做司儀嘅小儀，有份玩遊戲，但亦唔執輸，自己要求同靚仔彬合照，埋位時唔只攬到實，仲露出冧樣，唔怪得佢自己都晒命話：「賺晒！」
FBI
小儀抽乾玄彬
憑韓劇《秘密花園》走紅嘅俊男玄彬，上週六（ 20日），終於飛到香港，踩入九展舉行 fans見面會。最貴飛成 1,280蚊張，一樣爆！有靚仔睇， FBI梗係仆到去睇啦！
見面會長達 2粒鐘，但玄彬全場只唱咗 3首歌包括飲歌〈 Marry Me〉，其餘時間就用嚟玩遊戲同 fans近距離接觸。上台玩遊戲嘅 fans，無論要求影合照、甚至抱抱，玄彬全部有求必應，任攬任影，班 fans唔 high至出奇。而有份去「朝聖」嘅「細細粒」陳嘉佳亦舉手爭上台玩遊戲，可惜最後冇被揀中，失望而回。
粉絲雖然狼，但全晚最狼死一定係做司儀嘅小儀，喪影合照兼且熊抱玄彬，仲出口調戲靚仔彬，大爆佢最鍾意返屋企後淨係着住條底褲，當靚仔彬答：「其實想解除負擔。」後，小儀更直接爆肚：「點解你唔除埋底褲？」搞到靚仔彬勁尷尬，但全場觀眾就笑到碌地。
小儀扭計話唔滿意玄彬老點佢走來走去搵 fans玩遊戲，之後玄彬抱抱小儀呵番。睇玄彬呢個勉強樣，就知佢勁唔願意啦！ 
玩 Gwiyomi騷中，有 fans要求玄彬玩 Gwiyomi，雖然佢動作生硬，但喺 fans眼中佢當然 cute爆！ 
細細粒被叮玩遊戲時「細細粒」陳嘉佳，不斷舉手想上台，但最後被淘汰，連上台親近玄彬機會都冇，𤓓咗！
撰文、攝影： FBI
全站熱搜
留言列表
