30歲

晚晚作戰的盛女落幕；扮晒勁的45度Santino，又被踢爆疑似涉毒及開班教人免費召妓，信佢一成都死。人生教練靠唔住，但港女唔使絕望，娛樂圈仲有大把鑽石盛男未結婚，香港有余文樂同馮德倫，台灣代表有王力宏，個個靚仔有錢有事業。如果有幸俾呢班鑽男睇中，奄尖Florence仲會嫌？

余文樂　寡仔生活
同Sammi、舒淇等女星傳過緋聞，但成日俾人影到一個人落街買外賣，或者黐住老死沈嘉偉一家嘅余文樂，實則dry到爆！近排套《春嬌與志明》勁hit，「張志明」個微博多數係同導演彭浩翔及其他演員嘅慶功相；難得早前有假期去旅行鬆一鬆，可惜全程冇索女同行，只有父母陪玩，30歲中佬有親情冇愛情！

王力宏　三高筍盤
35歲Leehom生得高大靚仔，而且有美國波士頓音樂學院碩士學位，真正係收入高、學歷高、地位高嘅「三高」筍男。緋聞女友包括台灣天后張惠妹、性感女神舒淇等，但Leehom原來係family man，唔使開工就會陪屋企人食飯，最多都係同黑人陳建州等兄弟打籃球做運動同匿喺錄音室作曲，超宅！想做Leehom嫂，睇怕要過晒王家嗰關先有得諗！

馮德倫　拍戲發洩
自從08年同莫文蔚分手，馮德倫只與徐若瑄拍過拖，同舒淇就撻極唔着 ，多年來都keep住好朋友關係。37歲仲係寡佬一名，馮德倫惟有專心工作，近期長駐內地拍戲，最新作品《太極》有舒淇及Angelababy兩代女神一齊主演。Baby就話同海綿蛋糕打風打唔甩啫，好心馮德倫踩行油追吓寂寞舒淇啦！ ####


打波發洩熱愛滑水打波，樂仔半夜三更都要搵friend陪打籃球，唔通精力太多要發洩？


黐實父母出名廿四孝，樂仔早前同父母去旅行，仲安排兩老坐商務，呢粒仔認真細心！


35歲喺崿門都要做運動，Leehom會唔會太over


Leehom極少有夜蒲溝女等負面新聞，反而成日同屋企人食飯聚會，咁顧家嘅筍盤，唔識45度都嫁得過啦！


37歲專注做導演嘅馮德倫，見到部新攝錄機仲開心過見女友，連情人節都忙住開會，事業心好強喎！


冇女友陪，馮德倫鍾意攬實愛貓打發時間，悶係悶啲，總好過夜蒲攬女囉！



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄