4嚿腹肌
冇化妝、戴住個「C」字吊墜嘅Chrissie，雖然身形比以前fit咗好多，但心口兩團肉依然分量十足，包都包唔住。

池邊春光

近期主攻內地市場的周秀娜（Chrissie），電影劇集一套接一套，連接咗《喜愛夜蒲2》嘅男友Avis，都呻要用娜姐人形攬枕代替女友試親熱體位，再同媽模Mia拍肉搏床戲。
成功由模轉戰影壇，27歲娜姐當然要趁後生賺到盡。本刊發現正在海南島三亞拍攝新片《Hold住愛》的娜姐，每日趁唔使埋位積極操fit自己，跑步練氣刨劇本背稿冇停過。即使逐步封胸，娜姐依然為自己的D級巨咪狂搽太陽油，務求將朱古力腹肌及咪咪保持在最佳狀態。


周秀娜近年主攻電影，升呢唔再賣肉，連當年最重視的寫真大戰亦停賽。「我老喇，留番畀班青春無敵啦，今年就算出書都係以文字為主，唔通出寫真出到40歲咩！」

池邊推油
收起唔露，娜姐將3D胸私有化唔再益街坊。本刊於週日（22日）發現，身在三亞拍愛情片《Hold住愛》的娜姐，趁住唔使埋位，一個人到酒店的私人沙灘曬太陽。身穿白色比堅尼加牛仔熱褲，娜姐帶埋iPad同陽光玩遊戲。冇男友Avis陪伴身邊，自己搽太陽油的娜姐神情落寞，不時望住大海發呆。逗留了十分鐘，身材冠絕全沙灘的娜姐發現俾附近強國中佬喪，為免被睇蝕，娜姐即時披上浴袍離開沙灘轉去泳池再曬，更醒目叫埋女助手同行，多個人多對眼防狼。

4嚿朱古力
努力保持健康膚色，又要每朝跑步練氣，更練出4嚿朱古力腹肌，原來娜姐要為稍後開拍、由蕭定一監製的《3D紫荊俠》做準備。「我9月會拍《紫荊俠》，之後仲有兩套動作片，所以近排都要好勤力操fit自己。我偶像係Angelina Jolie，好想學佢走打女路線，之前都有跟張永麟師傅學詠春，又請教咗啲龍虎武師嘅人，學吓跳上跳落，同埋要練習點樣跳過成架車！」
模就話露兩露就有錢收，家娜姐要封咪轉型做影壇女一，真係要下苦功先得喎！

同場加映：楊冪攞正牌談情
內地女神楊冪被傳拍《消失的子彈》時半夜敲謝霆鋒房門，事後兩人堅決否認，霆鋒仲話除咗拍戲之外全冇接觸。其實女神同劉愷威打風打唔甩，早前楊冪捱到發燒，點知冇幾耐就到男友。今次兩人攞正牌喺新戲《Hold住愛》做情侶，日對夜對，小心又交叉感染！ ####


自信素顏


男友留港肉搏Mia
Avis同Chrissie師妹Mia喺《喜愛夜蒲2》有激烈床戰，開鏡當日Mia已經咁低胸，難怪娜姐早前發晒警告：「掂過Mia唔好掂我！」


趴低曬背，Chrissie一邊上網一邊傾電話，唔通遙距警告緊男友唔好偷食？


冇男友幫手，Chrissie惟有叫女助手代搽太陽油。


Annie G.同Hailey C.受邀去海南島打碟，順便探師姐Chrissie班，真好感情。


上週五（20日），Chrissie收工後同師妹Annie G.及Hailey C.去中菜館「老海南」醫肚，拍足一日嘅Chrissie餓到望住枱面食物lam脷。


晨早未埋位，Chrissie（左）又捉埋助手跑步，難得素顏都冇走樣。


劉愷威發燒，楊冪即刻喺微博祈求男友快啲好番，咁鬼sweet，姣擒霆鋒（小圖）單料應該流到爆！


被封內地「新四小花旦」嘅楊冪，有兩名貼身助手服侍，上週六向劇組請假，飛到上海出席Gucci活動。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄