98年出道嘅神話，成軍 15年首次來港開騷，而香港站更係佢哋嘅亞洲巡唱首站，認真畀面。
韓面
神話再現
近年 Super Junior、 BIGBANG等勁舞男子組合 hit爆全亞洲，但講到尾始終唔及韓國男團元祖神話咁經典。
被喻為韓國最長壽組合的 6人男團神話，曾因成員輪流服兵役導致人氣不斷下滑，直至上年成員玟雨退役後， 6子終於齊腳，重組出碟再作戰。今年更重炮出擊，趁成軍 15周年，舉行亞洲巡迴演唱會， 6月頭大軍駕臨香港開首個港騷，等足 15年嘅港迷，終於可以見偶像。
被喻為韓國最長壽男子組合嘅神話，眨吓眼已唱咗 15年，𠵱家 6個隊員都年過 30，搣甩晒陣偶像味，增添唔少男人味。
同 BIGBANG睇齊
於韓國本土收復失地，今年神話更衝出韓國於亞洲各地舉行巡迴演唱會，除遠征日本及台灣外，更鐵定於 6月 8日空降香港亞洲國際博覽館作為亞洲巡唱首站。而今次神話港騷將於 5月 10日公開售票，票價最平為$680，而最貴為$1,680，跟去年尾 BIGBANG港騷一樣咁貴。
其實神話 6子早於上月中，已在首爾舉行兩場 15周年紀念演唱會，難得 6人合作 15年依然老友，隊長 Eric就講笑：「 15年之後我哋會變成點？嗰時我哋都 50歲，唯一希望係冇隊友會去世。」
初出道冇耐，神話 6子走偶像路線，當時個個青靚白淨又嫩口，曾迷死唔少韓妹。 
上月中，神話已率先喺首爾開一連兩場 15周年紀念演唱會，難得 6子年過 30仍然跳得唱得，吸引 2萬 5千名 fans捧場。由於大把 fans想霸靚位，開騷前一日已在會場外排隊，場面墟冚。
為打思噎隻揪
𠵱家鬼咁 friend，其實神話 6子亦曾傳不和，早前 6人上韓國綜藝節目《金勝友之乘風破浪》中就爆料，原來隊長 Eric曾同隊友烔完大打出手。
事緣多年前有次烔完在一次電視節目綵排時唔小心打咗個思噎後嫁禍畀 Eric，之後 Eric愈諗愈嬲，終於忍唔住當着工作人員揮拳同烔完隻揪，期間因愈打愈狼，最後要由工作人員將 2人拉開才肯停手。話晒當時大家年紀細仲血氣方剛，難免容易心火盛，但𠵱家神話 6子都超過 32歲，人到中年，乜火都收晒啦！
6月 8日殺到神話 6月 8日降臨香港亞洲博覽館開騷，為配合今次巡唱，據知神話更將於 5月推出新大碟，到時港迷將有新歌聽。 
上年 3月神話隊員玟雨服完兵役後，即開記招宣布回歸，引來過百記者到場採訪迫爆會場。 
6神合體後，神話即推出大碟《 Return》，當中主打歌〈 Venus〉更成為《 M!Countdown》流行榜 No. 1，人氣一樣回歸。 
撰文：何家文
留言列表
