Gigi仲即刻親手寫西班牙文送畀粉絲！意思係「Kisses！我愛你哋！非常多謝！」

去年2月《香港G夜演唱會》後一人遊西班牙散心，遇上了當地人真命天子Sergio變2人行！拍拖半年求婚2次，冧爆say「Yes」，仲喺大圖中投影的西班牙Ibiza小島，舉行全白浪漫婚禮說我願意！由對愛情冇憧憬到緣分話嚟就嚟，幸福sweet爆的Gigi，5月5日孖住陪去台灣開個唱「Our Best Moment」後會為新碟作歌，鼓勵盛女勿放棄，緣分未到，只是時辰未到！

以前……已經冇意義
曾經唔再相信愛情，就因為遇上一見如故嘅老公，被那份正能量、開朗吸引，令佢信心返晒嚟！Gigi都話有睇劇集《盛女愛作戰》，笑言參加者絕對不是質素問題，只係緣分未到！機會會突然出現，所以要時時刻刻裝備好自己！今天學懂了愛情……「問人有冇對你付出之前，先問自己有冇打開心窗去愛！」

現在……最緊要自然
香港女生喜歡外國文化，卻從沒有憧憬過嫁畀外國人。「從來都唔信追女仔有攻略，人與人之間嘅互動，感覺最緊要，亦最緊要自然。與其去鑽研什麼45度角追女方法，不如用那些時間去看清對方的優點。」外國人喜歡表露感覺，Gigi都話老公影響得最深係更識得表露感情，令自己對屋企人、朋友都熱情咗！兩公婆一樣愛冒險去旅行，所以婚前keep住兩邊飛都不怕，仲有兩人都係性情中人，所以都唔敢入戲院睇3D版《Titanic》，驚齊齊做喊包，夾到爆！

未來……憑歌寄意
演唱會後將會忙於籌備新國語EP，Gigi會繼續擔任監製外，亦同以往般會參與作曲和填詞。每段時間都將自己想講的話加入詞中，〈花火〉想多謝粉絲一路陪伴經歷風風雨雨、〈禮物〉想講無論點都要珍惜這一刻擁有的、〈一刻擁友〉講友情，婚後再執筆想寫多啲未來，「多了愛人，同時亦會多了替對方着想、對未知的擔心，但樂觀看，世界變，兩個人之間的愛都可以是不變！」身旁的我亦被Gigi快樂感染，婚後Gigi笑得更charm，幸福指數爆燈！今天的她會想起舊歌〈新鮮〉，這個車厘子廣告歌，說只要有愛，情侶做簡單的事也可以很快樂、每日都新鮮，祝大家都好似Gigi咁，快些找到這粒「車厘子」！

後記：考Gigi西班牙語！
Gigi打算買格仔簿畀西班牙籍老公練中文字，自己亦努力學習西班牙語。今日考佢常用冧詞，問佢7條只係錯一條美麗（Gigi以為係兄弟），果然有做足功課冧老公！仲反教我哋講guapo（靚仔）同guapa（靚女）！訪問後仲即刻WhatsApp老公問hermoso點解，認真sweet！ ####


arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄