學足Santino 黃宗澤拍拍吓戲，突然走到鄭麗莎身邊，45度角跟對方傾偈。

活學活用

黃宗澤（Bosco）同胡杏兒拍拖7年，見得多都會悶，難得面對新鮮索女，扮吓情聖在所難免。最近Bosco拍攝邵氏電影《神獸巴打》，就對戲中飾演黑社會大家姐的搶包山妹鄭麗莎十分照顧，Bosco主動埋身之餘更學埋《盛女》溝女王Santino絕招，擺行45度攞命pose啄實鄭麗莎。胡杏兒唔想變盛女係時候做嘢啦！


黃宗澤剛拍完電視劇《護花危情》，轉頭又為電影《神獸巴打》開工，今次Bosco唔做「跛Co」做警察，同金剛拍檔查案兼搞笑。

主動埋身
早前《神獸巴打》在太子拍攝幾場追逐戲，其中一場講述飾演警察的黃宗澤中伏，墮入飾演黑社會大家姐的鄭麗莎圈套，Bosco被鄭麗莎手下用酒樽扑頭倒地。雖然戲裏是仇人，但鏡頭後Bosco卻對首次拍戲的鄭麗莎照顧周到，話晒鄭麗莎是健體小姐兼搶包山冠軍人馬，樣靚又身材高䠷。當晚鄭麗莎未埋位前，獨自在街角拿手機自拍，然後又叫工作人員幫她拍照，而本來同陳小春拍緊對手戲的Bosco，竟忽然行埋鄭麗莎身邊，使出Santino把女絕招45度住鄭麗莎，然後主動提出合照，合照完更翻睇手機中的照片，頭貼頭鬼咁開心。

狂扮型男
有女住，當晚拍攝近5個小時，Bosco鏡頭前後全程chok到爆，工作人員忙住打燈試位，Bosco則除下半件外套扮有型，又擔住煙仔唔點火喺馬路踱步，休息時更專登坐在鄭麗莎面前除下外套擺甫士，chok足全晚。Bosco想把女，不如直接拜Santino為師好過啦！

健美包山索女
搶包山妹鄭麗莎曾連續6年奪得全港「健體小姐」冠軍，樣靚身材好不在話下，她去年在長洲「搶包山」盛事中亦勇奪冠軍，並揚言有計劃進軍娛樂圈；曾參演話劇《打轉教室》及擔任nowTV《星期日大班》及足球節目主持。

大量供應
《神獸巴打》原名《神獸刑警》，由邵氏和無綫合作出品，近年多拍喜劇的邵氏，上月在影視博覽會上更一口氣公布7套於今年拍攝的港產片，其中多齣由無綫藝員主打，平靚正連演員費都慳番。

靠Law霸
除黃宗澤、謝天華、金剛和徐子珊主演的《神獸巴打》外，邵氏即將開拍的有《怒火街頭》電影版《怒火雙雄》，Law霸鄭嘉穎搭謝天華。

再賀歲
《我愛HK2013》跟上集一樣，由無綫藝員大堆頭演出。 ####


頭貼頭 Bosco又主動提出跟鄭麗莎合照。


有講有笑工作人員用相機替二人拍照後，Bosco又要求用鄭麗莎的手機拍照，影完相2人即時翻睇，逗得鄭麗莎好開心。


擔住煙瞓這場戲講Bosco被偷襲扑頭瞓地，試了6、7次位之後才正式拍攝，但黃宗澤連瞓地都依然keep住chok。


表情十足黃宗澤又擔住支煙同陳小春試戲，但冇點着支煙，非常騎呢！


狂擺型甫 Bosco等埋位期間，無端端褪下半件外套在街頭踱步，chok過chok峯，又有啲似Laughing謝天華！


Bob（林盛斌）飾演軍裝警察，懶理黃宗澤chok樣，走埋一邊向住空氣講對白，指手劃腳認真得嚟好搞笑。


09年鄭麗莎已亮相電視，喺鄭大班在nowTV主持的《星期日大班》做助手。《壹週刊》圖片


鄭麗莎曾連續5年當選「健體小姐」，一身健碩身形。《蘋果日報》圖片


鄭麗莎去年首次勇奪搶包山女子組冠軍，今年第5年參賽，亦以首排名晉身決賽。《蘋果日報》圖片



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄