25歲的鄭欣宜與其外籍英語教師男友Mark Ryan，今年初曾傳出婚訊，一對小情人看似打風都打唔甩，但早前女方被拍得與韓籍型模Jin撐枱腳，她繼而於上周二（10日）在電台宣布已與Mark分手兩個月，結束5年愛情長跑。

本刊亦拍到Mark已遷出位於太子的舊居，現居於砵蘭街舊樓的他，在愛情長跑失落了，但他還在新居附近繼續練長跑，治療情傷。

上周五（13日）黑色星期五晚上，Mark在砵蘭街、上海街一帶跑步，後來他稱：「跑步令我頭腦更清醒。」啱啱失戀，係要睇清前路。

欣宜上周宣布與Mark和平分手，5年情告終，但二人還是會支持對方。

喪跑洩憤

當欣宜於上周二（10日）在電台節目中宣布：「我同Mark分咗手！」之際，本刊於上周五（13日）於砵蘭街發現男主角行蹤，一身黑衣人裝束的他，於「黑色星期五」晚上，於馬檻處處的砵蘭街及上海街一帶喪跑，以運動驅走失戀悶氣。

出過一身汗，Mark返回位於砵蘭街的寓所，約一小時後，他換上白恤衫，到附近的茶餐廳一支公晚餐，他點了極地道的咖喱牛腩飯，填肚過後即返回家中，孤單度過一個晚上。

Mark熱身時，一副滿有心事模樣。

本刊記者後來致電Mark，他帶點失落的說：「我同Joyce一齊5年幾，佢曾經係我生活嘅全部，我喺香港認識嘅所有嘢，包括去嘅舖頭、餐廳、街道，都同佢有關。可惜我哋嘅目標愈嚟愈唔同，我想安定落嚟組織家庭，佢仲想喺事業上做多啲成績，呢一年嚟我哋雙方都好努力去維繫呢段感情。

「可惜最後都失敗咗，我仍然好支持佢發展佢嘅事業，只係角色唔同咗。」

Mark還透露，自己明白欣宜初回港的目標只是出唱片，但目標達成後，她有更高更新的目標出現，而且瞬息萬變，跟他只是結婚生孩子的理想分歧日大，一對小情人因而愈走愈遠，只好由情人變回朋友。