close


上週六凌晨，Baby和柯震東在機場為《在一起Together》拍攝通宵戲，戲中Baby經常背心短打，樣靚身材正，柯震東真係要出10成定力，先可以冷待Baby。

異性雙拒

男神柯震東最近與緋聞女友蕭亞軒又斷正，雙雙被拍得在台北拍拖遊公園，姊弟戀逐漸浮面。最近柯震東來港拍攝新戲《在一起Together》，同女神楊穎Angelababy合作，據知年屆32的中女蕭亞軒怕男友「身痕」，除叫「紅娘」房祖名實男友之外，仲下令柯震東要禁女色埋身。
上週六凌晨，柯震東同Angelababy終於埋牙拍戲，不過現場所見柯震東避得就避，連Angelababy主動打招呼都唔睬，搞到女神鬼咁冇癮。


完成金像獎之後，柯震東來港拍攝首套港產片，由霍耀良執導的《在一起Together》，戲中與Angelababy日對夜對做情侶。早於上月25日開鏡當日，柯震東順便香港遊，仲去咗Angelababy於銅鑼灣Baby Cafe分店開餐，即時於微博大讚，仲上載同印有Angelababy大頭相嘅Menu合照，氹到女神鬼咁開心。

唔敢埋身

寧畀苑仔攬
不過事隔一個星期，柯震東與比自己大12年嘅蕭亞軒，拍拖遊台北國父紀念館公園斷正，戀情曝光，柯震東唔敢再亂嚟。據知，留港拍攝新片期間，一手撮合「東亞戀」嘅房祖名，受命好好看管柯震東，但每日對住人見人愛嘅Angelababy，柯震東就要靠自己定力。「柯震東一向鍾意『大姐姐』，自從房祖名撮合咗佢哋之後，柯震東成個人迷晒落Elva（蕭）度，最近Elva知道佢會到香港拍戲，言談間叫男友要乖乖哋，其實Elva脾氣唔細㗎，佢治得掂柯震東。自從上次俾人影到柯震東落老蘭周圍同女仔影相之後，小心咗好多，除咗怕畀經理人詐型，更加怕女友呷醋啦！」知情人士透露。上週，柯震東同Angelababy每日趕戲，週六凌晨兩人於機場內拍攝，現場所見，柯震東的確守規矩，鏡頭後，柯震東仲俾幾名助手包圍，完全唔畀機會同Angelababy接觸。直至凌晨4時多，Angelababy先收工，主動走去同柯震東say goodbye，可能見柯震東態度冷淡，又有記者在場，Angelababy都唔敢行得太埋，只企到遠一遠揮手示意離開，揮咗成分幾鐘，柯震東先施施然轉身畀反應，仲要木無表情，相信Angelababy都係第一次食咁大嚿檸檬。相反，上週四（19日）柯震東於赤柱同苑瓊丹拍戲就開懷得多，任攬唔嬲，就算之後落大雨要取消拍攝，柯震東都笑到四萬咁口。咁又係，斷估蕭亞軒唔會呷苑仔醋啦！

守行為前
柯震東出名熱情又nice，入行1年，已經識到周街friend，仲群埋房祖名、吳彥祖等蒲精；不過，話晒蕭亞軒都係天后，點會俾男友亂咁嚟，所以柯震東呢期做乖仔，金像獎當晚仲忽然正經，連陳妍希都唔瞅唔睬，同入行前玩到癲晒嘅形象唔同晒！

後
####


兩人本月9日去台北國父紀念館公園，想拖女友手的柯震東，一見記者即刻手足無措，反而見慣大場面的蕭亞軒淡定得多；「東亞戀」曝光，據知蕭亞軒除教柯震東怎樣應付傳媒外，還下令只得20歲嘅柯震東斷絕其他女色！台灣《蘋果日報》圖片


台灣《蘋果日報》圖片


唔使埋位，柯震東用個背脊「得」住Baby，仲有助手圍住，十足受保護動物，莫講話女色，男人都行唔到埋身啦！


Baby臨走前想同柯震東say goodbye，但又唔敢行埋去，只係不停揮手，最後柯震東只係敷衍了事，女神慘食檸檬！


飯盒只係道具，又唔知放咗幾耐，為免肚痛，柯震東作狀食，導演一嗌cut，工作人員即刻拎碟俾佢吐晒出嚟，服侍周到。


開鏡當日，雖然柯震東未同蕭亞軒斷正，但同Baby已經好避忌，好彩同場仲有 另一位女人甜心黄宗澤。


對住女神Baby冷淡，反而在上週四（19日）柯震東對住苑瓊丹，終於可以放下心頭大石，仲任攬唔嬲！蕭亞軒應該唔介意嘅！


25/3 來港開鏡之後，即到Baby Cafe幫手宣傳，仲與Baby整合照。


14/3 夜蒲蘭桂坊，途中遇見任何女士，皆無任歡迎影合照！


14/4 柯震東去澳門登台，完騷之後，房祖名帶路齊齊去咗新濠天地嘅Club CUBIC蒲。事後柯震東忽然公開「轉性」，話最愛房祖名，好明顯要氹番蕭亞軒。《壹週刊》圖片


15/4 出席金像獎忽然正經晒，好彩安排被咀嘅係九把刀，如果係陳妍希一定嬲死蕭亞軒。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄