雖然梅媽話安仔同草蜢喺阿梅死後冇乜搵過佢,但身為梅姐徒弟,佢哋都唔肯明抽師傅水。 

真面目

又抽水  8月搶抽阿梅水開騷 陳淑芬氹唔掂安仔草蜢

張國榮前經理人陳淑芬,上月趁哥哥逝世十周年搞了連串紀念活動,撐演唱會的紅星如張學友只收 1萬「義唱」,有傳扣除開支後,仍有超過 2千萬落袋!
悼念錢易賺,陳淑芬打算食住條水,在今年 8月舉行的 Summer Pop演唱會用年尾逝世十周年的梅艷芳做主題,希望借梅姐名義招徠。不過據知一班歌手及唱片公司非常反感,身為梅姐徒弟的許志安及草蜢更講明唔會配合,陳淑芬呢個算盤注定打唔響!

 

被指借哥哥名義搵錢,陳淑芬早前出席紀念哥哥的摺紙鶴活動時大條道理,「我講明係商業活動,冇講過係慈善騷,亦冇公布歌手名單叫人買飛!」被傳媒踢爆涉歛財都唔使公開交代,隻手遮天面皮厚的陳淑芬,近日又諗到新橋。


除咗安仔同草蜢,雖然今年的 Summer Pop主題未定,但陣容暫定仲有王菀之、 Kary同林德信。 



直認哥哥紀念騷係商業活動嘅陳淑芬,於華星年代亦算同梅艷芳熟絡。《蘋果日報》圖片 

《蘋果日報》圖片 

岳少反對


岳少手上粒粒巨星,又係旅發局主席,岳少 say no,連陳淑芬都冇符。《蘋果日報》圖片 

香港旅遊發展局每年 8月都會舉辦 Summer Pop演唱會,搞手之一的陳淑芬今年諗住食住悼念巨星條水再賺多筆。「陳太最近搵寰亞同環球班星度期,佢諗住搵安仔、草蜢同王菀之,環球就有 Kary同林德信,開會嗰時,陳太提議用梅姐做主題,安仔一聽到即刻面黑黑唔出聲,岳少亦開聲反對!」知情人士透露。
林建岳旗下有大量歌手,亦係旅發局主席,既然岳少講明唔撐,陳淑芬惟有放棄。其實 2千萬有排使,唔使貪到盡喎!

‘ 13齊悼念

唔少玄學家話每逢 3字尾都係娛樂圈大凶年,今年有陳僖儀不幸撞車身亡,而過往 20年,每逢 3字尾的年份確有不少巨星離世,繼哥哥後,悼念活動陸續有嚟!


張國榮 4月( 10周年)經理人陳淑芬舉辦連串活動,包括兩場紀念騷,又推出大堆紀念品賺到盡。 

黄家駒 6月( 20周年)家駒離世廿年,家強及世榮表明唔會重組 Beyond唱紀念騷,反而各自開個人騷。 

陳百強 10月( 20周年)生前好友陳海琪、袁潔瑩及何超瓊,可能會聯同一班歌迷搞紀念活動。

林振強 11月( 10周年)商台打算為林振強舉辦作品展,有機會請到林憶蓮等歌手撐場。 

梅艷芳 12月( 10周年)多個主辦單位有意為阿梅搞紀念騷,但梅媽極力反對,講明唔准借阿梅名義搵錢。 

採訪、撰文、攝影:娛樂組

arrow
arrow
    全站熱搜

    tvb4life 發表在 痞客邦 留言(0) 人氣()