伍姑娘自薦做淳太妃,劇中同雯女有大量對手戲,幾本上由頭鬥到落尾,反而同蔡少芬鬥戲較少。 

真面目

奸到出汁 敲門自薦 搶過如妃 新奸精伍詠薇: 9年前好恨拍!

全城期待的《金枝慾孽貳》今週播映, 04年《金枝》曾創下最高收視 44點全城追睇,令《金》劇成為古裝神劇,當年 4位花旦鄧萃雯、張可頤、佘詩曼和黎姿亦因此劇被視民肯定演技。
能一劇上位,眾花旦勁流口水,加上當年四大名旦如今獨剩鄧萃雯,入行 20年但冇代表作嘅伍詠薇吼準機會,上年《金枝貳》開拍前竟主動敲珍姐房門自薦。伍姑娘亦坦白講:「我 9年前已恨拍!我唔介意好似新人咁,要畀監製試戲。」

 

事隔 9年《金枝慾孽貳》本週播映,當年 4大花旦獨剩如妃鄧萃雯。雖然有新加入的蔡少芬,但其實今集最搶係 44歲,入行 20年嘅伍詠薇。劇中飾演如妃妹妹淳太妃嘅伍姑娘,會同如妃鬥足 30集,更係劇中最大奸精,加上《金貳》主題曲、插曲亦係佢唱(早年佢首〈失落於巴黎鐵塔下〉 hit過㗎!),搶晒如妃風頭。


週日( 21日)《金》劇宣傳,當日冇蔡少芬,又冇緋聞纏身嘅苟芸慧,只得鄧萃雯撐場,伍姑娘表現得相當風騷仲被黃德斌抱起,做宣傳都交足功課。 

伍詠薇同珍姐關係一向友好,自從自薦後更獲器重。剛拍完的新劇《傳愛事務所》仲同黎耀祥談情,戲分拍得住女一陳法拉。

唔介意試戲

能夠做到劇中最搶奸角,全因伍姑娘當日厚面皮,夠膽衝入珍姐(無綫戲劇科總監曾勵珍)房敲門自薦。
她向本刊直認其事:「我睇 04年《金》劇嗰陣已好恨怕喇!當日知佢未齊人,我咪走入去同珍姐講,我好想拍,我唔介意好似新人咁要試戲,珍姐聽見都呆咗。之後周旭明(《金》劇編審)都覺得我做到淳太妃,阿戚(監製戚其義)先畀我做。」據知當時亦有唔少花旦恨撈到一角,但最後都係由伍姑娘跑出。


笑得超奸伍姑娘喺劇中奸到出汁,宣傳片更不停 loop伍姑娘奸笑聲,她說:「當日拍我殺人之後奸笑,拍完之後成廠啲工作人員都話我笑得好 X奸。」 

如妃暗箭劇中開首主要講伍姑娘同雯女鬥戲,如妃表面唔及伍姑娘奸,但實則唔係好人,派乳娘蔡少芬勾引陳豪。 

打手梁嘉琪伍姑娘劇中奸計多兼心狠手辣,但大部分都係假手妹仔梁嘉琪去做,自己唔使郁手,最後梁嘉琪被拉去午門斬首,咁似《金枝 1》寶嬋嘅!

陳豪最多女

劇中陳豪飾演崑曲大佬倌高流斐,基本上係女都冧佢,先撻着伍姑娘,再被蔡少芬誘惑。最後搞埋鄧萃雯,加埋其他宮女投懷送抱,成個後宮啲女俾佢嗒晒!


咀鄧萃雯 

蔡少芬溝 

引伍姑娘

4日冇尿屙


《金枝慾孽貳》原本想搵阿佘,可惜阿佘因檔期配合唔到而推劇,據聞阿佘會客串一角,更曾在慶功宴出現。 

爭贏重戲角色,伍姑娘即使有經驗都唔敢偷懶,日日喺製作大樓等飛紙仔,又睇大陸宮廷劇學行路儀態,但第一日同雯女拍對手戲就已經唔記得對白。
她說:「第一日同雯女拍對手戲,我記得明明背晒稿,但一 roll機,雯女一嗌『阿妹』,我即刻唔記得對白。其實我拍呢套劇超緊張,試過 4日冇小便去唔到廁所,又食唔到飯。人哋去食飯我就喺度背稿。每日靠陳豪啲咖啡吊命。」等足一年套劇終於出街,唔知伍姑娘今次又會緊張到點呢?

如妃又唔使死

《金枝慾孽貳》人物眾多,不過到尾好多角色都不得善終。第一輯得雯女留宮中,後來亦只得佢冇死。據知續集結局雯女都係一人獨自留在紫禁城,而鬥餐死嘅伍詠薇及蔡少芬都會死,至於陳豪、黃德斌就冇明顯交代下場。


鄧萃雯孤獨終老 

蔡少芬迫食毒飯 

伍詠薇中箭死

如妃歎奶

《金》劇除咗大奸角伍姑娘外,雯女繼續係焦點。週日( 21日)出席完宣傳活動後,雯女先到洲際酒店做訪問,做咗 3個鐘之後去咗佐敦牛奶公司,做足成日都係食咗個燉奶就算。


如妃劇中出入成棚人跟住,現實雯女就低調得多。 

做足成日宣傳,雯女都係食咗碗燉奶,同行嘅都係女性朋友,最後獨自返回西貢凱琴居。 

採訪、撰文:林通賢

arrow
arrow
    全站熱搜

    tvb4life 發表在 痞客邦 留言(0) 人氣()