每次行動,組織成員永不露面,好似早前佢哋就以同學前途為題,用紙盒製成機械人,超有創意! 

U Spy

神秘中大仔快閃惡搞

最近中大出現大量騎呢標語,好似「請勿四目交投」、「請勿沉迷照鏡」、「你們行能入 D」,張貼喺校巴站、飯堂等當眼處,一睇都知道唔係官方告示, Spy八過,原來係一群由學生組成嘅「中大防止自責委員會」傑作。

 

除咗騎呢標語,佢哋亦將校方棄置嘅電腦紙盒,整成機械人,放喺百萬大道,又試過喺中大養德池放膠鴨仔,悼念逝世講師,每次行動都快閃一 take過,成員永遠唔露面,只會事後將相放上 fb,組織勁神秘。
Spy搵到一位唔肯開名嘅成員透露少少,「組織背景及我哋有幾多成員真係唔講得,其實自發喺校園搞咁多嘢,係想帶出校園有好多改善空間;亦希望同學可以輕鬆啲,唔使太自責!」難得咁有創意, Spy畀 like!


諧音粗口中大校巴班次不足,令不少同學上唔到車,成員就抵死到將你能行入 D,寫成你行能入 D,取粗口諧音! 

雖然中大仔講明唔接受任何傳媒訪問,但由《黑紙》班底炮製的新週刊《 100毛》仍嘗試邀請對方,結果俾中大仔寸「除非可以免費登全版 A1廣告」先肯做訪問。 

撰文: U Spy
攝影:何榮亮

arrow
arrow
    全站熱搜

    tvb4life 發表在 痞客邦 留言(0) 人氣()