close
| 周家怡街頭忟爆 |
啲藝人一離開無綫，就好似消失咗咁。早前東姑喺大坑見到個短髮靚女，好勞嘈咁喺街頭傾電話，傾到好似講數一樣，睇真啲先認得佢係同佘詩曼喺《天與地》做好姊妹嘅周家怡，冇見佢喺無綫一排，即刻感覺陌生晒！
周家怡講咗成半個鐘電話，一直叉住腰情緒激動，悶悶不樂，佢身旁有一男一女，見到佢咁忟憎都唔敢行埋去。東姑聽講周家怡之前下決定過檔王維基嘅HKTV賭一鋪，點知依家拍咗兩套劇，政府發牌都未有消息，你都咪話唔閉翳，難怪佢咁煩躁嘅。
周家怡出現喺大坑街頭，一臉悶悶不樂咁講電話。
佢講咗成半個鐘，有一男一女朋友走去佢身邊，佢冇理到仲叉住腰愈講愈激動。
佢一直講一直講，好似講緊數咁，男人走咗，女友人則好驚咁企喺側邊等佢。
全站熱搜
留言列表
