據知唔少唱片公司對無綫偏心星煥有唔少微言,尤其是英皇,每逢大騷,如果星煥歌手佔大部分,英皇只會派一、兩個歌手出席。
真面目
冇豬肉分 急停優秀選 《勁歌》改制冇獎頒
近年收視麻麻的《勁歌金曲》,由阿旦鄭丹瑞接棒,改 talk show形式盡地一煲,可惜首集收視只得 3點。四大歌手未可以上《勁歌》,無助收視,無綫最近更連每年 3次的優秀選都取消。
余詠珊入主無綫後有唔少新搞作,眼見《勁歌》名存實亡,今年的起心肝改制,希望有一線生機。
優秀選取消、總選改制,連做足 32年的《勁歌金曲》都要轉陣搞 talk show,朱千雪和崔建邦的主持生涯只維持了 5個月。《蘋果日報》圖片
得番 10首金曲
祖兒和林峯可能是最後一年的「最受歡迎男、女歌手」。《蘋果日報》圖片
有唱片公司宣傳人員透露︰「無綫往年 2月就開始籌備搞優秀選第一回,到 2、 3月就網上投票, 4月就舉行,今年完全冇聲氣,追過無綫,佢哋音樂組班人都未收到通知,大家都估唔搞㗎喇。」
要打入《勁歌》總選爭十大,先要入選優秀選,現在取消優秀選,是否意味四台聯頒有望?又唔係喎!據知商台和新城仍然企硬,而據無綫工作人員透露,《勁歌》總選將有新變動,「女歌手再頒落去都係祖兒,男歌手唔通再畀林峯咩?𠵱家有個新計劃,就係只頒 10首金曲,所有個人獎項都唔要,仲係要一人一票,好似視帝視后咁選,好多唱片公司高層都收到風,大家都諗緊計點拆。」本刊致電無綫非戲劇製作總監余詠珊,但至截稿前仍未回覆;對於取消優秀選,星煥老闆何哲圖則表示︰「真係未收到任何消息,你哋問番 TVB啦。」
最後絕響
去年 12月的優秀選, 14首得獎歌,星煥和英皇各佔 4首才能打圓場,不過𠵱家連優秀選都 cut埋,已成歷史啦!
四大企硬唔簽約
Kelly上一次去無綫已是 4年前,今年帶領一眾四大歌手亮相;破冰之後, Kelly遲啲更會上《決戰一分鐘》做嘉賓。
星煥
英皇
周柏豪
採訪、撰文:娛樂組
攝影:攝影組
留言列表