close


4/4
月初，Jin來港即約欣宜到中環飲嘢談心，兩人似乎相當過電，事隔2星期，Jin同欣宜再次被影到拍拖歎韓國菜，好難令人相信只屬兄弟情。《蘋果日報》圖片

把握機會

欣宜同拍拖5年的Mark Ryan甩拖冇耐，已頻頻被影到同爆肌韓模崔豪進（Jin）撐枱腳，單身欣宜有人識欣賞。
雖然欣宜單方面以兄弟相稱，但30歲Jin接受本刊訪問時，一提欣宜就一副冧樣，仲話唔介意肥妹，又自爆曾經同過black woman（黑膚色外籍女性）拍拖，對異性接受程度無分國界。
雖然欣宜未溝掂，不過在家鄉只係平面模特兒的Jin，多得欣宜成功升呢，來港2星期就有4個活動邀請，仲將會拍住潘霜霜接拍港產片《名模》。有欣宜帶挈，再加埋個潘霜霜，唔憂冇話題。


於美國定居的Jin，在韓國拍過不少平面廣告，6呎高擁有40吋胸肌，亦拍過超激底褲廣告。賣肉濕濕碎，說得一口流利英語的Jin話︰「我覺得好正常，韓國通街都係呢啲相，我唔介意。」

溝過黑妹
自稱仍是單身的Jin，直言喜歡亞洲女性，只曾與一位外籍女性拍過拖。他說︰「韓國、日本和香港的女仔我都試過，從外表好難分得出，上次同一個26歲嘅香港女仔拍拖，佢係我朋友嘅朋友，但long D（異地戀）好難keep，我亦試過同black woman一齊，任何國家都可以，但我比較喜歡亞洲女仔。」

「女仔太瘦唔好睇」
對於近日同欣宜傳緋聞，Jin表明會繼續跟欣宜見面，Jin笑晒口咁話︰「Joyce好好，人又nice，我冇諗有冇發展可能，開心就好，我亦唔介意肥，女仔太瘦唔好睇。」同欣宜認識，原來係因為MV導演Jacky Lee（《起勢搖滾》導演）介紹，當日亦因為Jacky，Jin先可以做到MV男主角；而Jacky下月開第二套電影《名模》（暫名），亦搵咗Jin夥拍是非女王潘霜霜。Jin話︰「其實我好鍾意唱歌、拍戲，同Jacky識咗好多年，欣宜都係佢介紹嘅。」識到欣宜名成利就，keep住追啦！

泡菜男愛激凸
30歲的Jin，大學畢業後曾做過教師，6年前開始做平面模特兒，曾在韓國及泰國發展，拍過不少內褲性感廣告照，現定居美國，最近更簽了香港模特兒經理人公司CalCarries，做樂基兒師弟，打算留港發展。

孖潘霜霜
Jin同MV導演Jacky Lee係老死，Jacky（左圖）開新戲，點會唔預Jin一份！而新戲女主角係潘霜霜，上月中，本於影視博覽開記招，有傳因林峯同場而被迫將記招腰斬，新戲暫時仲未公布卡士。

好使好用
本來有job先會來港的Jin，識到欣宜後，經理人公司安排佢嚟2星期，活動同訪問排到密一密，日日有工開，據聞仲見咗幾位導演。而Jin嘅出騷價，升幅唔算大，由幾千升到5位數，不過放長線釣大魚，曝光率最重要。 ####


25/4密撐枱腳
《蘋果日報》圖片


合作拍MV之後，Jin經常約欣宜出街，真係可以話係MV情緣！


十項全能
Jin和欣宜前男友Mark Ryan一樣是運動健將，Jin於韓國京畿大學體育教育學系畢業，跆拳道5段，游泳高手又識賽車，勁過Mark淨係識跑步。


欣宜同Mark分手，講到明唔關第三者事，但分手之後密密同Jin見面，好難唔惹人懷疑。


底褲露毛 Jin於韓國拍過內褲廣告，同欣宜傳緋聞之後，即被網友瘋傳，但Jin話唔介意，有好身材唔怕show quali喎！


Jin在香港都拍過內衣廣告，但就着得密實得多，吸引度即刻大減，唔講唔知係泡菜男。


22/4 Hennessy NY×Electronic Party


25/4 馬會活動


17/4 Le Saunda

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄