杜汶澤狂噴口水

杜汶澤由電視演員,撈完DJ後跳到去拍電影做監製,都真係幾叻仔。今年二月佢仲有新突破,就係做咗三場talk show。一向鍾意吹水嘅佢,似乎希望正式靠齋talk維生,可惜場騷做完好似冇乜迴響,唔似得黃子華或者林海峰咁成功噃。

之但係少少挫折並唔影響到杜汶澤嘅興致喎,早前東姑行商場見到佢同朋友會面,佢一直不斷狂噴口水演講,幾乎冇停過,有新朋友過嚟打招呼,佢一樣口水多過浪花,睇嚟佢好快會開第二次talk騷嘞。

首先,杜汶澤同友人去shopping已經好似開talk show咁,狂噴口水指天篤地。

然後,有新人加入,搭扶手電梯時,杜汶澤仲調轉身繼續狂吹水。

又再遇到老友記,杜汶澤依舊談笑風生,大把嘢講。

杜汶澤情緒十分高漲,唔吹水時就無端端手舞足蹈,嚇親唔少途人。

arrow
arrow
    全站熱搜

    tvb4life 發表在 痞客邦 留言(0) 人氣()