Gaga一連四場演唱會，首場本週三開始，但上週六（28日）晚，已率領50名工作人員空降香港，難得Gaga天后冇架子，一到酒店即同fans簽名，仲鬼咁熱情向在場粉絲及記者飛吻。
燶飛網上飛
Gaga今年2月已宣布在港開騷，最貴門券曾炒至3萬蚊1張，搞到一票難求。但隨着加到4場，撲飛熱卻變成散飛潮，燶飛於網上隨處可見。
Gaga上週六晚到港，翌日上晝Edison專登由美國飛返香港，到Gaga下榻嘅酒店拜候，雖然唔能夠同Gaga直接見面，但就同Gaga經理人Troy Carter（左）一齊上車走，2人交情唔淺。
前年Edison曾將同Gaga合照掟上網，仲自爆專程去美國斟Gaga亞洲巡迴演唱代理權，可惜最終失敗。
Edison同Kevin Poon唔只係死黨，仲係生意上好拍檔。本週五於連卡佛舉行的NICO PANDA活動，二人旗下的CLOT便是此活動的搞手。
Gaga着過嘅戰衣將會在中環ifc連卡佛展出，呢件法國名牌Christian Lacroix結婚晚裝，Gaga曾經喺〈Judas〉MV着過。
肥牛女王來港前，上週五（27日）Gaga已於韓國首爾開騷，當中Gaga亦着上佢嘅招牌雪花肥牛肉裝又唱又跳。雖然落力，但仍傳出首爾演唱會滯銷。
網民蝕賣曾被炒至癲價嘅Gaga門票，直到臨開騷前，喺網上被恐慌性拋售，原價780蚊飛，家400蚊有交易。
教徒反感 Gaga出名大膽，演唱會又玩自摸、露股及有性愛場面，唔只喺韓國有宗教團體抗議，喺香港亦惹起唔少網民反感，更有教徒話為Gaga祈禱。
Gaga呢身造型，原本同普通時裝相冇分別，卻原來手勢跟共濟會崇拜的Baphomet（右圖）相似，因此有傳Gaga是共濟會的骨幹會員。
共濟會香港分會位於中半山堅尼地道，唔少香港名人都係會員，東亞銀行主席李國寶是其中之一。《壹週刊》圖片
Greyson踩入屯門冧女，其間被女粉絲任攬唔嬲，唔怪得同fans影大合照時，引到班港女狂抽水。
留言列表
