FACEweekly
車手 監製 作曲人 全能雷頌德演唱會 Thank You Sir!
多謝黎明……啟發
多謝 Kelly……信任
同 Mark同期出道,阿 Mark開店 Kelly當然撐場。
我同 Kelly係一齊出道、一齊成長,我喺佢身上學會點做一個監製。我要多謝佢對我嘅信任,佢係其中一個好信任我嘅人。
多謝霑叔……態度
一人分飾多角
上次 Wyman作品展話明自己唔唱純粹當講古佬,今次 Mark又會做咩角色?
自己會做番監製,亦有份設計舞台,玩樂器、控制樂隊,今次樂隊有成 2、 30人,有 orchestra,以音樂行先,希望比錄音時做得更好,我想每首歌都有好適合嘅燈光、衫、 background……製造整個環境氣氛,務求用最合適嘅方法表達首歌。
順帶一提,上次 Wyman作品展觀眾最 high就係嘉賓福袋式出場,未到開 show都唔知有邊個,今次 Mark作品展亦然, poster嘉賓為膽每晚必有,另加每晚的神秘嘉賓。
聽眾無罪
無論時裝、音樂、玩車,有靚老婆家庭美滿,一切 Mark近乎圓滿,嚟緊仲有咩想做, Mark唔使諗即話:令香港樂壇重新振奮,成日話香港人唔聽歌, sorry!但你睇 Girls’ Generation、 BIGBANG出場個個癲晒,即係佢哋睇唔到香港有令佢哋瘋狂嘅嘢,聽眾無罪,責任喺做音樂嘅人身上,以往成功唔代表一切,行內人經常用舊尺去量度,有 classic但亦要向前望,一定要去改變。
個個歌手開演唱會都一定減肥,出名貪靚姿整嘅 Mark亦唔例外,日日踩單車,踩單車原因同佢揸電單車般裝備夠靚多選擇又有得改車,不過老婆熱愛整甜品, Mark寧願落多兩錢力喪踩都堅持留 quota食老婆自家製愛心甜品,老婆聽到一定冧爆甜 say thank you啦!
留言列表