話晒劉愷威做過男士纖體代言人，身形一定有番咁上下，睇佢嗰排朱古力就知。呢日佢拍住周秀娜師妹張一凡戲水，一樣眼尾唔睄吓對方。
近年喺內地勁紅嘅情侶，劉愷威同《春嬌》索女楊冪，上星期齊齊飛咗去海南島拍內地電影《Hold住愛》。佢兩個拍拖唔夠一年第一次合作拍戲就做新婚夫婦，擺明攞正牌談情。
呢套戲仲有周秀娜飾演「小三」，同愷威有床戰，楊冪講明信得過愷威絕唔會監場。的確愷威有個女神女友亦唔會亂嚟，上週二（24日），有場戲劉愷威要喺泳池同一大班性感水着女戲水，仲要被周秀娜新師妹張一凡色誘。FBI專登飛去探班，發現愷威全程勁規矩，眼尾都唔敢四圍，一停機就即刻返埋自己個位，隔籬仲有個戴住黑超嘅女仔好體貼咁幫佢遮太陽。睇真啲，原來係楊冪，全程陪男友，順便監場，唔怪得愷威唔敢女啦。早排傳過楊冪曾經去霆鋒入住嘅酒店房拍門，不過愷威話信得過女友。FBI見佢哋感情咁好，咪問愷威幾時好事近，佢話未有打算，仲口窒窒：「隨緣啦，等個天安排……可能會好突然未定！」問佢老豆劉丹唔心急飲新抱茶咩？佢就話老豆冇詐型喎！
二人戲裏扮夫妻，戲外一樣煙韌，等埋位期間楊冪仲挨落男友膊頭撒嬌。
粉絲改圖
兩人休息時有fans鬼馬地將劉愷威與楊冪的童年照key埋一齊，整咗兩張2R相送畀佢哋，兩人收到後，開心笑到停唔到。
變型記
37歲劉愷威自95年出道後個樣不斷變，但佢就一直否認整容。
06年扁鼻
喺無綫撈唔起改簽亞視，仍然矇豬眼加上口扁面扁，同家簡直兩個人。
10年直鼻
已轉戰內地拍劇，鼻樑同嘴唇都唔同咗，輪廓亦深過之前。
11年林峯孖生
輪廓比之前更精緻，面形亦比之前尖，外界笑佢同林峯孖生。 ####
女友擔遮當紅女友楊冪唔只有樣有身材，仲陪愷威開工兼遮太陽，唔怪得愷威對佢一條心。
戲中愷威同楊冪飾演新婚夫妻，但愷威喺海南島度蜜月就遇上周秀娜，同呢位「小三」仲有激烈床戲。雖然呢對情侶開記招嗰陣唔親密，不過戲外娜姐就大呻見到佢哋「好眼寃」。
楊冪喺《春嬌與志明》飾演余文樂女友，唔錫身晒身材，成功攻陷本地宅男。
留言列表
