FBI
爆明星巨鴨 3不 DUCK
FBI聽聞有關單位限制多多，為防影響巨鴨形象下令影鴨三不「 DUCK」。首先出入船廠都要登記身份，不准帶朋友進入；第二係只可影鴨正面唔准影 pat pat，唔靚要 delete；第三係唔可以 po同鴨嘅合照上網。
FBI仲問咗今次主辦單位海港城，發言人話之所以揀大姐明（林建明）嘅「心晴行動」做慈善單位，係因為理念相同之餘，大姐明喺娛圈都有號召力。至於「 3不 DUCK」，公關就話：「因為船廠係私人地方，所以先需要登記，而 artist影相都係自己玩吓，冇限制過佢哋點處置啲相嘅，余文樂都有 po上網啦！」
劉華享特權
明星晒鴨
上星期各明星秘密去青衣船廠拍為「心晴行動」宣傳短片期間，當然唔少得影巨鴨浴照，然後再上載各自的 Instagram或微博。睇吓全部相只得正面又冇合照，就知冇人敢犯禁啦！
巨鴨瞓覺
本週一， FBI專登去咗青衣船廠睇鴨，發現巨鴨竟然「瞓咗覺」，被工作人員放氣，成隻鴨當堂扁晒。而上星期多次現身船廠的「鴨爸爸」霍夫曼，週一就未有現身。
麥玲玲偷雞 Po合照
明星入船廠同巨鴨拍短片，被主辦單位約法三章。有份拍短片嘅麥玲玲師傅就最大膽，提供「合照」給傳媒刊登。但麥師傅解釋合照係人哋影，唔係佢影，唔關佢事喎！
《蘋果日報》圖片 
麥師傅提供咗多張同巨鴨影嘅唔同角度合照畀傳媒。 FBI想再問佢點解咁搏，但佢至截稿前都未回覆。《蘋果日報》圖片 
撰文、攝影： FBI
全站熱搜
留言列表
