紡織及製衣學系 Yr.2陳樂彤理大紡織及製衣系出名多靚女潮人，但 Fiona仍因似鍾嘉欣而成為焦點，雖然她笑笑口唔認似，不過至少似嘉欣 BB一樣錫媽媽，男生一定 like。 

U花 U草

理大鍾嘉欣　孖潮媽夜蒲

無綫花旦鍾嘉欣出名乖女，同家人感情好之餘，更加零夜蒲最愛買餸煮飯仔，宅男讚佢唔物質最 gfable。
而現就讀理大紡織及製衣學系 Yr.2的陳樂彤（ Fiona），外形有七成似鍾嘉欣，更幸運有個潮媽媽，除了例牌同乖女傾心事外，又會齊齊買衫講扮靚，甚至孖住去蒲，難怪 21歲的 Fiona都自豪說：「我好珍惜呢個老死！」

 

拍攝當日， Fiona跟母親一齊到場，陳母 one piece裙襯 leggings，再加一頭紅髮造型已經夠潮，陳母更主動介紹說：「你好，我係 Fiona媽媽，不過 Fiona同學都叫我阿 Cat！」席間見她拿出貼滿閃石的手機跟囡囡拍照，又立即上載 fb跟朋友分享，雖然年過 40仍然跟貼潮流。


Fiona小時父母離異，幸得小狗相伴，可惜其中一隻在幾個月前過身，「嗰隻狗仔差唔多養咗十年，好有感情。佢過身之後我喊足幾個星期，之後我將佢嘅骨灰拎咗返屋企紀念，得閒仲會同佢傾偈。」 

睇日時裝書學潮Fiona和媽媽（右）老友鬼鬼，經常一齊研究買衫化妝，兩人有時更會交換衫着，互幫大家扮靚，媽媽說：「我成日睇《 ViVi》及《 JJ》惡補時裝知識，希望同囡囡有話題。」 

Fiona（右二）一貫愛玩態度，入大學後已沒有只顧做兼職，還加入學生會搞不少大型活動，如船河、 party等：「如果媽媽有時間都會嚟撐場添！」

初中日日嘈交

現時跟母親感情好，原來 Fiona六年級時父母離婚，她與妹妹跟媽媽生活，當時兩人關係曾跌落谷底，「嗰時好唔開心，媽媽返工好夜先返，所以我成日出街玩搵朋友，每晚好夜先返屋企，日日都同媽媽嗌交，試過有次同朋友唱 K，佢衝咗上嚟，我哋當住啲朋友面前嘈！之後我哋好多日都冇傾過偈！」直到中五， Fiona會考得 12分要重讀，但 Fiona跟媽媽關係卻大逆轉，「 Repeat中五，班朋友都升中六或離校，身邊冇晒朋友，仲遭人白眼，但媽媽反而冇鬧過我讀書差，仲成日煲湯畀我，又叫我辛苦就唔好勉強！嗰時先知媽媽好錫我！」

當媽媽時裝達人

如今成功升上大學， Fiona媽媽繼續做她的最好 buddy，「𠵱家媽媽一得閒就送我返學，佢同我啲同學都好 friend，成日 WhatsApp，佢打字仲快過我！我班女同學仲當佢係時裝達人，兼成日分享女人經，我啲女性朋友仲會約媽媽唱 K飲嘢，就算連蒲我都會同佢一齊去！」

U花 U草：

只要是各大專界的靚仔靚女，《 FACE》就會介紹給大家認識。


撰文：譚家昌
攝影：何榮亮
形象： Bryan@the Flamming
化妝： Wing@Wing L image
服裝： Pull and Bear

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄