情侶裝已經見慣不怪,但超雲希望男友低調兼洗底,既然做唔到視帝,起碼做個設計師,最好出名添啦!《壹週刊》圖片

掘金礦

何家三房千金何超雲同男友陳山聰去咗英國遊山玩水一個月,上週六終於返港。查實超雲同陳山聰感情真係一日千里,仲成日傳兩人拉埋天窗,不過要踏入何家大門,陳山聰要下啲工夫。據知一直對時裝滿懷大志的「潮山聰」,最近得到賭王打本過百萬,於國內開製衣廠,準備推出自家男裝品牌。靠拍劇難成大器,歎住做時裝老細自己話事,加上賭王放水支持,陳山聰距離何家大門,又進一步。


09年,何超雲於中環開設的二手時裝店「Chew Closet」,搞咗2年已經收支平衡,超雲仲成功引入唔少外國潮牌;反觀撈幕前撈極唔起的男友陳山聰,仲未有成就。

廣州開廠
雖然,陳山聰已經可以於何家三房位於布力徑的大宅出入自如,但要真正入門過到賭王呢關,起碼都要有點成績。知情人士說︰「陳山聰讀時裝(白英奇),當年又做過Rib Yeung(設計師)助手,同超雲拍拖之後,佢哋都有講過設計男裝,家超雲間鋪生意唔錯,打算男嘅做男裝、女嘅繼續D.I.Y.飾物,前排仲喺大陸開咗間廠,主力生產陳山聰設計嘅男裝,唔使講,梗係賭王打本。」據知,製衣廠設於廣州,雖然唔算大型,但機器、工人都經嚴選,為方便香港內地兩邊走,超雲早前已將座駕加上國內車牌。

Upgrade坐頭等
據知,陳山聰跟TVB其實仍有合約在身,自從今年1月拍完《天梯》後,TVB仍有監製搵佢拍劇,不過由於佢唔憂做,所以都冇接劇,反而忙於同女友歐遊兼入貨。知情人話︰「超雲好叻女,不斷引入啲新興牌子入鋪,最近引入咗個Leghila bag(意大利品牌)都幾受歡迎。而且超雲好信陳山聰眼光,每次都拍拖出埠入貨,上星期喺英國返港,本來陳山聰只係坐business class,但超雲用佢自己嘅飛行哩數幫佢upgrade頭等,次次都係咁。」用哩數換頭等,唔算使超雲錢,山聰醒目喎。記者曾致電超雲,但至截稿前仍未回覆。

超雲幫洗底
去年8月14日凌晨,超雲於微博上載三房一家與陳山聰合照,正式公開情侶關係,可惜公開之後外界反應甚大,超雲一步步為男友洗脫奀星形象。除命令男友要先減少曝光,就連拍劇都可免則免,希望於時裝界博一鋪。據聞陳山聰自家設計最快明年出街,到時仲可能趁機會向賭王提親添!

Nel Nel:有減肥必要
同潮媽徐濠縈一樣,超雲最鍾意於微博上載喺豪宅影嘅每日潮look,周身名牌嘅超雲,都有唔少fans撐,但亦有網民大彈;而著名服裝指導張學潤(Nel Nel)力撐超雲有型,但就有減肥必要。

45度露肩

黑超蛤乸

檸檬晒腳

型格灰色
####


陳山聰經常出入何家大宅親近賭王,今次英國之行去足1個月,落機後超雲即帶男友返屋企拜會賭王,非常識做。網上圖片


去英國入貨之前,超雲同陳山聰先去菲律賓潛水歎世界,仲上載「嘟」嘴相上微博,完全唔理外人點睇。網上圖片


中環開設的二手衫店係超雲嘅心血,千金小姐都唔介意親力親為。網上圖片


超雲平時代步用嘅座駕,早前加上國內車牌,方便到製衣廠視察進度。《壹週刊》圖片


位於中環的二手時裝店Chew Closet,主力買cocktail dress,深受OL歡迎,仲有超雲D.I.Y.嘅飾物,唔少潮人都讚超雲入貨夠快兼夠眼光。


山聰喺今年1月拍完陳豪孭飛嘅《天梯》後就唔再接劇。雖然山聰仍有合約,但TVB都識做,冇留難山聰。《忽然1周》圖片


前年陳山聰同結婚多年嘅老婆Ponny離婚,前妻都係造型師,陳山聰專吼時裝女。《蘋果日報》圖片


上身幾sexy,着牛仔褲可以平衡番,雖然超雲比以前瘦咗,但可以再瘦啲。


黑色本身已經有型,呢件好易着,對佢冇咩難度。


都只係玩顏色同布料,冇咩特別,但超雲將頭髮染咗呢隻色,應該化多少少妝,唔係個樣會好病。


幾有型,都係嗰句,再瘦啲仲好睇。



arrow
arrow
    全站熱搜

    stacylife 發表在 痞客邦 留言(0) 人氣()