盛女Bonnie 擒裸男撲入娛圈 @ 818 娛樂八掛大放送★

盛女Bonnie擒裸男撲入娛圈

莊思敏、盛女Bonnie及陳嘉桓昨日在新蒲崗，以war game造型宣傳電玩遊戲。以背心短褲仔上陣的Bonnie化行妝，由半裸猛男抬出場，她又豪放地騎猛男，並坦言對入娛樂圈好有興趣。

盛女Bonnie、莊思敏及陳嘉桓昨日在新蒲崗宣傳PS3電玩遊戲，大會安排Bonnie由半裸大隻男抬出場，不過她顯得非常怕醜，全程笑容生硬，她笑言怕跌低不敢大隻男，不過她示範防狼術時又作狀踢猛男，相當出位。

莊思敏怕仔埋身
問Bonnie是否因為人氣勁多了job？她說：「家主力做商台，都唔係乜嘢正唔正式入娛樂圈，仲係嘗試階段。」Bonnie表示在《盛女》節目中人氣急升繼而加入娛圈，並不是早有預謀：「我只係單純想參加個節目玩吓，不過娛樂圈係新事物，我對新事物都好有興趣。」莊思敏笑言要抽空打war game減壓兼識男仔，Bonnie就靜待緣份。今日生日的莊思敏透露或者會到澳門慶祝，但未有接受追求者的約會，她說：「我唔想亂咁同唔熟朋友慶祝，都有幾個男仔約嘅。」對於妹妹莊思華的男友告崇恩被拍得與李詩韻密會，莊思敏表示未看報道不回應。大會安排陳嘉桓示範防狼術，問她可會憶起上次的狼吻事件？她指事前已經知道：「只要配合到工作就得，最緊要係宣傳到個game。」

「門牙唔靚會離婚」
此外，無綫昨日公佈上周收視，鄭則士主演的劇集《盛世仁傑》上周大結局，平均收視31點（約199萬觀眾），最高34點（約218萬觀眾）；鄭嘉穎主演的《拳王》平均收視29點（約186萬觀眾）。前日播的《盛女駕到》收視卻比前一周下跌3點，平均收視15點（約有96萬觀眾）。談到盛女熱潮，蓋鳴暉和李居明昨接受商台訪問時表示李居明批她會結到婚，但要先增肥，李居明更說：「女仔結婚睇門牙，門牙唔靚會離婚，好似嗰個Bonnie（盛女），好簡單整牙得喇！」採訪：盧妹　攝影：陳順禎

盛女Bonnie坐大隻男肩膀出場，盛女變女皇。