close


講到同中佬Vincent投資炒樓，Winnie忍唔住晒命：「賺過百萬只係其中一部分。」又稱2人在更早之前已夾份搞生意，但講錢唔講心嗰隻。

靠男人

《盛女愛作戰》完場，「盛女」Bonnie同人生教練Winnie繼續有得撈，齊齊在商台延續話題。 38歲Winnie繼續高調做人生專家，但本刊發現自稱失戀半年未有拖拍的Winnie，曾經跟一位中佬Vincent Kwok聯名開公司炒賣物業，短短一年賺過百萬，搵食都係要靠男人。


人生教練Winnie（梁穎妍）趁03年沙士爆發、樓市大跌時看準時機，同一名當時已年過30的男子Vincent Kwok合資炒樓，當年得28歲的Winnie原來已獨具慧眼，一年內連續買入港島大坑台和跑馬地雅谷大廈單位，兩層樓均持貨不超過一年，短炒都賺過百萬。

「同佢做過好多嘢！」
與中佬聯名開公司兼買樓，照理關係密切，但Winnie卻只稱Vincent Kwok為其投資partner。上週五（27日）在商台主持完新節目《大龍鳳》，她對本刊說：「我只能夠講我同Vincent只係投資partner，同佢做過好多嘢喎，唔記得咁多！（炒樓賺過百萬？）係有炒過樓、有錢賺，賺過百萬只係其中一部分，另外有其他投資同做生意嘅，有啲私人、有啲聯名咁囉。03年我28歲，Vincent同我差唔多年紀，第一次投資房地產係同佢搞嘅，家冇乜聯絡喇，淨係知佢未結婚。」識炒樓賺錢嘅筍盤都放過，Winnie走寶喎！

'03連入兩層

偉論夠爆
Winnie在《盛女》教人build up自己，其實她歷年亦發表過不少「偉論」，除了她的「男人皮鞋論」遭文化人梁文道狂寸外，其他言論其實亦語出驚人。 寧做敗犬「寧願做年薪過百萬嘅『敗犬女王』，都唔會兼唔好做年傷過百次嘅『敗筆女王』。」 自稱太后「話我係港女，我覺得我係太后。」 瘋狂做愛「情到濃時個個都會有，冇享受過瘋狂咁做（愛），真係要檢討吓自己。」 要愛自己「你自己都唔愛自己，點expect人哋愛你先？」 澎湃自信「我唔係走美女路線，但我入邊係澎湃嘅自信。」 ####


由陳志雲一手策劃的《盛女》延續至商台《大龍鳳》，人生教練Winnie就算被人鬧爆亦被點名做嘉賓主持。《蘋果日報》圖片


跑馬地雅谷大廈03年6月163萬買入、同年10月200萬賣出，賺37萬。《蘋果日報》圖片


大坑台03年以176萬買入，04年243萬賣出，賺67萬。


Winnie與Vincent於03年以公司名義聯名購入大坑台及跑馬地兩個單位，未夠一年賣出合共賺104萬，之後兩人聯名的公司亦告解散，可惜Winnie唔肯長揸，否則現時兩個單位分別超過800萬啦。


曾自稱好怕痛故不會紋身的Winnie，06年的一張泳衣照卻發現她左臂上有大型紋身，真係唔知佢邊句先係真！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄