close
同你吟一吟
人精呂慧儀擦得就擦
做人要有分寸,做藝人更加!過分識做令人覺得你假,太有性格又容易得罪人,要做到啱啱好,一啲都唔易。長腳蟹呂慧儀算係人精其中一個,醒目聽話,蝕底又唔計較,所以無綫冷板櫈冇佢份。
上星期四(九日),《壹》仔喺上環見到呂慧儀同位長髮女子,企咗响個生果檔超過廿分鐘,行埋去八吓,見佢响度等緊搾鮮果汁,又橙又奇異果,買咗十幾杯。原來呂慧儀要上去舊公司 Elite探舊老細,但已經下午六點半,唔想兩梳蕉探班,買嘢食又太近晚飯時間,所以決定買
果汁。
體貼又周到嘅呂慧儀,舊老細都冇放過,照氹!難怪深得權傾無綫嘅曾志偉心,有乜 E郁,都預佢一份,包括緋聞。
全站熱搜
留言列表