close
霆鋒已改食雪茄好耐，陪拉姑同朋友茶聚吹水，助手拎住 cigar case leather，隨時候命。
同你吟一吟
霆鋒錫身戒煙戒口
星期日（十二日）母親節，撞正謝霆鋒細仔（ Quintus）三歲生日，謝家三代包括爺爺謝賢、嫲嫲狄波拉、姑姐謝婷婷，舉家喺霆鋒屋企開 P，獨缺前謝太張栢芝。
第二日，霆鋒又約埋媽咪拉姑同鬍鬚 Kong，再加兩個朋友一齊喺中環太子大廈嘅 Sevva飲 tea吹水， hea到挨近晚飯時間先離開。
後期製作公司上晒軌道，染指飲食業開多瓣嘅霆鋒雖然經常下廚鑽研廚藝，但二五話佢幾乎長期戒口，有時同朋友出街食飯，會自備白烚飯盒，又戒埋煙改食雪茄，相當注重健康。
唔，如果張栢芝學似霆鋒咁自愛， Lucas同 Quintus即使跟媽咪生活，問題應該不大！
Quintus三歲生日，謝家喺霆鋒屋企搞生日會兼同拉姑慶祝母親節，冇到嘅栢芝就喺網上大晒同兩個仔一齊做勞作嘅親子相。（《蘋果日報》圖片） 
撰文：八珍
全站熱搜
留言列表
