close
同你吟一吟
緋聞男友現身 陳僖儀鋼琴長伴
上月因車禍身故，結束二十六年短暫人生嘅樂壇新人 Sita陳僖儀，上個禮拜五（五月十日）响大圍寶福紀念館設靈舉殯，家人更安排公祭儀式，俾歌迷送別偶像。
一手發掘 Sita入行嘅 Paco以及佢生前嘅多位好友，都有到靈堂拜祭，傳聞出錢出力捧 Sita嘅緋聞男友林孝文醫生，由設靈到第二日火化儀式都有出現。
家人為 Sita準備嘅祭品當中，包括一座寫上「 Sita Chan」嘅黑色鋼琴，還有歌迷為偶像親手摺嘅紙鶴，而經理人 Paco就為 Sita推出紀念大碟，將佢嘅歌聲永遠留响大家心裡面。
Sita靈堂布置以白色為主，前面放有胞妹楚晶送上嘅花牌，家人更為佢準備大批紙紮祭品，當中包括一座寫上「 Sita Chan」嘅黑色鋼琴。 
有傳林忠豪爸爸林孝文醫生係 Sita生前男友，佢連續兩日都有現身靈堂，十分長情。 
身為經理人， Paco為完成 Sita心願推出紀念大碟，而 Sita父母未有理會傳統白頭人送黑頭人禁忌，現身靈堂送別愛女。 
撰文︰八珍
全站熱搜
留言列表
